Leiða heimskulegar kærur til heimskulegra dóma?

Nú er mikið rætt og ritað um það mál sem ég hef gjarnan kennt við Blástakkana níu. BB Féttum hefur borist eftirfarandi lesendabréf, sem fjallar um uppskáldað tilvik. Bréfið var svona:

"Þrír stjórnarmenn í knattspyrnudeild KR ákváðu að kæra úrslit í leik Vals og KR, þar sem Valur sigraði eftir vafasaman vítaspyrnudóm á lokasekúndu leiksins, á sínum heimavelli. Úrslitin urðu 1-0.

Kæruatriðin voru þessi:

1. Ljósmyndari var í 10 mínútur of nærri hliðarlínunni.

2. Hluta af kennitölu eins leikmanns vantaði á leikskýrsluna.

3. Eftir leikinn uppgötvaðist að einn möskvi var slitinn í öðru markinu.

4. Drukkinn stuðningsmaður Vals hljóp að hornfána og snýtti sér á honum.

Ekkert minnst á dómarann eða leikinn sjálfan sem slíkan í kærunni. KSÍ var í nokkrum vanda við meðferð kærunnar og skipaði nefnd í málið. Stóradóm, sem á að hafa lokaorðið. Engin áfrýjun í boði.

Nefndina skipa menn, bæði tengdir knattspyrnu og henni ótengdir.

Þeir eru: Einar Bollason, Bjarni Felixson, Björgólfur Guðmundsson, Bubbi Mortens, Kolbeinn Pálsson og Hrafn Kristjánsson. Til vara fyrir nefndina skal vera fyrirliði KR í kvennaknattspyrnunni.

Eftir tiltölulega stuttan fund og umhugsun komst Stóridómur að niðurstöðu, sem birt verður á morgun.

Verður KR dæmdur sigur vegna formgallanna á Valsvellinum?

Verður leikurinn endurtekinn vegna formgallanna á Valsvellinum?

Verða úrslitin látin standa þar sem formgallarnir á Valsvellinum höfðu engin áhrif á úrslit leiksins?"

Vildi bara deila þessu lesendabréfi með ykkur.

Athugasemdir

[Hörður Sigurðsson Diego, 29.1.2011 kl. 17:52]

Þetta er spennandi. Koma BB fréttir út á Sunnudögum?

[Björn Birgisson, 29.1.2011 kl. 18:07]

Hörður, BB Fréttir koma alltaf út þegar leiðrétta þarf eitthvað sem skiptir máli fyrir þjóðarsálina.