Flott hjá Icelandair og forsetinn fjarri góðu gamni

"Flugfélagið Icelandair var í dag valið „Fyrirtæki ársins" hjá Félagi viðskiptafræðinga og hagfræðinga (FVH). Guðrún Ragnarsdóttir, formaður dómnefndar, sagði flugfélagið „nútímalegt þekkingarfyrirtæki sem starfar í síbreytilegu alþjóðlegu rekstarumhverfi þar sem miklar áskoranir eru framundan."

Til hamingju Icelandair! Mig langar að segja Flugleiðir, en það má víst ekki! Það er eitthvað svo heimóttarlegt, með tilliti til alþjóðasamfélagsins!

Nútímalegt þekkingarfyrirtæki, sem starfar í síbreytilegu alþjóðlegu rekstarumhverfi, þar sem miklar áskoranir eru framundan.

Hljómar kunnuglega. Er þetta nokkuð svona 2007 klisja?

Svona, enga neikvæðni á hátíðarstundu hjá Icelandair, félaginu sem flutti mig og frú Ingibjörgu til Gran Canaria og heim aftur fyrir stuttu. Frábær flug, bæði suður og norður. Frábær þjónusta. Fín sæti og rúmt um farþegana. (Þarna tryggði ég mér góðan afslátt á næsta ári!)

Skiljanlegt að forsetinn okkar, Ólafur Ragnar Grímsson, komi ekki að þessari afhendingu.

Hann er svolítið brenndur af svona samkomum.

En er allur að koma til sem betur fer!

 

Icelandair „Fyrirtæki ársins“

Athugasemdir

[Númi (IP-tala skráð) 24.2.2011 kl. 23:20]

Björn er þetta ekki erfitt að hafa Forsetan svona á heilanum.

[Björn Birgisson, 24.2.2011 kl. 23:24]

Nei, Númi, þetta er bara skemmtilegt. Þú ættir að prófa. Ert þú með heila? Endilega prófaðu þetta, það verður þér bara til góðs!

[Eyjólfur G Svavarsson, 24.2.2011 kl. 23:43]

Björn minn" Ætlar þú ekkert að jafna þig á þessari forseta maníu!!!

[Björn Birgisson, 24.2.2011 kl. 23:49]

Eyjólfur minn, þetta er svo skemmtilegur sjúkdómur að ég afþakka öll lyf og kýs að að lifa með öllum þessum skemmtilegheitum! Hvað um þig? Ertu með einhverja skemmtilega sjúkdóma? Endilega deildu því með mér. Áttu eitthvað skemmtilegra en forsetamaníuna?

[Númi (IP-tala skráð) 24.2.2011 kl. 23:59]

Það er sko komin svefngalsi í Björn Birgisson hrekkjalóm.

[Björn Birgisson, 25.2.2011 kl. 00:07]

Númi minn, það eru ekki til alvörugefnari menn en Gaddafi, Mubarak og ég. Hinir eru allir látnir.

[Guðjón Sigþór Jensson, 25.2.2011 kl. 04:55]

Er ekki forsetinn hjá páfa? Kannski hann biðji hann í leiðinni um að skrifa upp á syndaaflausn vegna prakkarastriksins sem hann framdi á dögunum með að vera ekki hlýðinn og góður og gera það sem mamma hans hefði væntanlega sagt honum að gera. „Það góða sem eg vil gera, geri eg ekki en það vonda sem eg ekki vil gera, geri eg“ er haft eftir Páli postula.

- Klukkan er rétt að verða 5 - að nóttu. Fékk mér vatnsglas eftir uppvakningu og er að fara að sofa aftur.

Tek undir að við eigum að eigum að leita það skemmtilega uppi - til að bæta tilveruna - og geðheilsuna. Ekki veitir af í þessum vesæla öldudal sem bjartsýniskast frjálshyggjunnar olli okkur með allt of sterkum skammti af einkavæðingu. - Góðar nætur.

Mosi

[Sigurður Haraldsson, 25.2.2011 kl. 10:45]

Forsetinn hefur bjargað því sem bjargað verður það er okkar að fylgja því úr hlaði ef ekki þá stefnum við beina leið til glötunar ekki flóknara en það!

[Bjartur í Sumarhúsum (IP-tala skráð) 25.2.2011 kl. 10:50]

Hvað segið þið? Er Ísland með forseta???

[Guðjón Sigþór Jensson, 25.2.2011 kl. 14:09]

Sigurður: Hverju var forsetinn að bjarga? Var hann ekki í nánu samstarfi við útrásarvargana?

Mér sýnis á öllu að hann hefur ekki hugsað út í það að með þessu athæfi hefur hann þokað þingræðisreglunni til hliðar. Það er auðvitað unnt að líta fram hjá örfáum atkvæðum sem koma þingmálum í gegn en 70% þingmanna vildu leysa þessi mál á þennan hátt.

Öxin er enn yfir okkur, samningarnir eru þó að koma í veg fyrir að tjónið verður meira.

Mosi