Ráðherrakapallinn er genginn upp!

 Af umræðunni undanfarna daga má ætla að aðeins lifi tveir sólarhringar af ráðherratíð Jóns Bjarnasonar og Árna Páls Árnasonar. Flestir viðmælendur mínir gera ráð fyrir að í kjölfarið verði ráðherrar aðeins átta.
Þess ber að geta að innan skamms fer Katrín Júlíusdóttir, vonarstjarna Össurar, í barneignarfrí.
Að henni genginni frá stjórnarborðinu, ætti því VG fjóra ráðherra, en Samfylkingin aðeins þrjá!
Það mun aldrei ganga upp!
Það tilheyrir stefnu stjórnarinnar að stofna stórt atvinnuvegaráðuneyti. Upp úr sjávarútvegs-, landbúnaðar-, iðnaðar-, efnahags- og viðskiptaráðuneytunum.
Það mun gerast, en það vantar einn í púsluspilið!
Hver er hann eða hún?
Mín tilgáta er þessi, algjörlega út í bláinn auðvitað, en það er svo margt í pólitíkinni út í bláinn:
Steingrímur mun taka við hinu stóra nýja atvinnuvegaráðuneyti, afsala sér fjármálaráðuneytinu til Samfylkingarinnar, sem mun annað hvort fela það Guðbjarti Hannessyni eða að Oddný Harðardóttir verði kölluð að stjórnarborðinu.
Skjótt skipast veður í lofti!
Áttu betri tilgátu?

Friðarjól

Sendi öllum gömlu bloggvinunum, sem og öðrum hér inni, bestu friðarkveðju um jól, með ósk um farsæld þeim til handa á nýju ári. Þakka allt gamalt og gott á umliðnum árum.

Nú taka hinir ríku upp afskrifað tapið!

Góður aðkeyptur leikmaður getur breytt miklu um gengi liða. Hvergi þó meira en í körfuknattleiknum.

Karfan: 5 inná í einu. - Hver leikmaður vegur 20% til jafnaðar eða meira. Stundum minna!

Handboltinn: 7 inn á í einu. - Hver leikmaður vegur 14% til jafnaðar eða meira. Stundum minna!

Knattspyrna: 11 inn á í einu. - Hver leikmaður vegur 9% til jafnaðar eða meira. Stundum minna!

Af þessu má sjá að auðveldast er að breyta gengi liða í körfunni, með nýjum leikmönnum, og það verður aldeilis gert á nýju ári!

Mörg liðin eru hundóánægð með stöðu sína nú um jólin.

Ekki þó Grindvíkingar. Staða þeirra er betri en flestir spáðu í haust.

Þau lið sem ætla að ná titlum í vetur, verða að geta lagt Grindvíkinga að velli.

Það verður ekkert auðvelt!

 

 

Hanna Birna betri kostur?

Oft er sagt að meirihlutinn hafi alltaf rangt fyrir sér!
Ætli það gildi um þann nauma meirihluta sem kaus Bjarna Benediktsson, en ekki Hönnu Birnu?
Varla geta tengingar Bjarna við fjármálabraskið orðið honum eða flokknum til framdráttar.
Eða hvað?
Er kannski flestum orðið skítsama um allt braskið og vilja bara gleyma því?

Samráð á ensku?

Alvöru samkeppni á byggingavörumarkaðnum?

Danskir, þýskir og íslenskir aðilar.

Breytist eitthvað?

Kannski fer bara samráðsumræðan fram á ensku!

Það væri all nokkur breyting!

Danir nema hér land að nýju!

Húsasmiðjan seld. Danir hefja hér verslun á ný.

Dálítið kaldhæðnislegt.

Áætla að eftir þrjú ár verði hægt að flytja gróðann úr landi.

Nú eða kannski fjárfesta meira á klakanum!

Opnar svo ekki Bauhaus í vor?

Alvöru samkeppni!

Nú er horft til gömlu nýlendunnar með gróðavon!

Er það ekki jákvætt?

 

Já eða nei?

Landsdómur yfir Geir Haarde.

Er líklegt að hann leiði í ljós nýjar mikilvægar upplýsingar?

Ef svarið er já, þá áfram með smjörið, þótt dapurlegt sé.

Ef svarið er nei, þá á að hætta við málið í snarhasti.

 

Hvaða vitleysa er þetta? Auðvitað fara Sigmundur Davíð og Ólafur forseti með forræði málsins áfram!

"Mikil ólga er nú innan utanríkismálanefndar vegna óvissu um hvaða ráðherra muni hafa yfirvofandi dómsmál vegna Icesave deilunnar á sinni könnu. Árni Páll Árnason, efnahags- og viðskiptaráðherra, hefur haldið utan um málið frá því að síðasta þjóðaratkvæðagreiðsla um málið fór fram í vor og framhaldsmenntun Árna Páls er einmitt á sviði Evrópuréttar.

Að undanförnu hefur þó verið mikið rætt um framtíð hans innan ríkisstjórnarinnar og jafnvel gert ráð fyrir því að hann muni hverfa þaðan í þeim breytingum sem yfirvofandi eru þar. Mikil ánægja hefur þó verið með hans störf í Icesave deilunni og því eru nefndarmenn uggandi yfir því að málið færist aftur inn á borð hjá utanríkis- og fjármálaráðherra. En fréttastofa hefur heimildir fyrir því að gæti gerst á næstu dögum og jafnvel áður en að utanríkismálanefnd nái að funda um málið." (mbl.is)

Óvíst um forræði í Icesave

Landsdómurinn, samviska Geirs og snöktið í Sólrúnu

 

Æi, þetta fjandans Landsdómsmál. Hefði aldrei átt að koma til í þessari mynd.

Á minni Facebook síðu hefur því verið velt upp að JÁ þingmenn, við ákæru gegn Geir, séu kannski komnir með samviskubit.

Kannski er það svo. Breytir í raun engu. Það mun Landsdómurinn heldur ekki gera.

Hvernig sem fer. Ekkert af því sem hér gerðist verður aftur tekið.

Kannski er Geir Haarde líka með samviskubit! Gæti það verið?

Ingibjörg Sólrún sagðist vera með samviskubit á sínum tíma og snökti í sjónvörpum landsmanna.

Breytti það einhverju?

Nákvæmlega engu fyrir þjóðina.

Þjóðin skiptir öllu máli.

Mikill þvættingur, en minna um vitið!

Guðmundur Ólafsson, hagfræðingur:
"Það stefnir í þjóðarslys ef þetta fólk fær að halda áfram."
Tekur einhver mark á hagfræðingum nú til dags?
Hvernig slys skyldu verða hér með nýtt og óreynt fólk í brúnni?
Held að það skipti ekki nokkru máli hvaða flokkar stjórna hér.
Ástandið er þannig að hvaða ríkisstjórn sem sæti, mundi alltaf afla sér óvinsælda!