Steinunn Ólína á leið til Bessastaða?

Steinunn Ólina Þorsteinsdottir hefur hug á að verða forseti Íslands.

Hún býr nú í Los Angeles, ásamt manni sínum, Stefáni Karli Stefánssyni.

Þau hjónin eru þjóðþekktir listamenn og slóðin úr leikhúsinu til Bessastaða minnir um margt á Vigdísi Finnbogadóttur.

Steinunn Ólína talar all nokkur tungumál, auk móðurmálsins og er glæsileg kona í hvívetna.

Verði leitað til mín eftir meðmælum til framboðsins, mun ég glaður skrifa undir og tvisvar ef frúin mætir sjálf!

Seinheppni Bjarna er oft og tíðum bráðfyndin!

"Bjarni minnti einnig á að fyrir þinginu lægi tillaga um að fram fari rannsókn á hverjir bæru ábyrgð á Icesave-málinu."

Ætli sú tillaga um rannsókn beinist að tilurð Icesave hneykslisins og þætti þáverandi stjórnvalda í því máli, eða því hvernig núverandi stjórnvöld hafa reynt að höggva á þann Gordionshnút?

Bjarni er svolítið góður í að pissa upp í vindinn!

Ætlar ekki að munnhöggvast við forseta

Hvar ætli svona fólk sé í pólitík, svona yfirhöfuð?

Gaman að sumu fólki. Ef maður er ekki sammála því, þá er maður uppnefndur og húðskammaður.

Kommi. Samfylkingardindill. Blindur með lepp fyrir báðum. Illa af guði gerður. Bullari út í eitt. Vinstri vitleysingur. Heilaþveginn kommi og fleira skemmtilegt.

Dugi þessi taktík ekki, til að fá mann á sitt göfuga band, er hótað netheima vinslitum til að maður nötri af ótta og skelfingu!

Hahaha!

Yndislegt þetta lið!

Ætla rétt að vona að það viti sjálf af yndisleika sínum og andlegum yfirburðum!

Hvar ætli svona fólk sé í pólitík, svona yfirhöfuð?

Forsetinn tók sér völd sem voru án hirðis!

Orð Ólafs Ragnars Grímssonar vega þyngra en öll samanlögð orð alþingismanna landsins.

Ólafur Ragnar var ekki kjörinn til þeirra valda og áhrifa sem hann hefur.

Hann hirti þau völd upp af götunni, enda voru þau án hirðis.

Hann tók afstöðu með stjórnarandstöðunni í Icesave málinu.

Hlaut fyrir það tilbeiðslu hægri aflanna í landinu.

Nú er Kínverjinn kominn með sín áform.

Afstaða forsetans til hans erindis fer ekkert á milli mála.

Hætt er við að hægri þjóðernissinnar sleppi forsetanum úr bænum sínum fyrir vikið.

Sigmundur Davíð og Obama

Þeir væru góðir saman félagarnir yfir borðhaldi sem þessu!

Hvernig ætli það sé að þurfa að tala eftir uppskrift annarra, þvert á eigin skoðanir?

"Hvaða rétt höfum við Íslendingar til þess að draga 27 Evrópusambandsríki að viðræðuborðinu til þess eins að sjá hvað kemur út úr því?"

Hljómar eins og um ofbeldisaðgerð sé að ræða af hálfu Íslendinga, í ræðu þessa hugsanlega tilvonandi fyrrverandi formanns Sjálfstæðisflokksins.

Veit hann ekki að ýmis meðlimaríki ESB hafa náð fram sérákvæðum vegna sérstöðu sinnar?

Hvernig skyldi fólki líða sem sífellt þvaðrar og blaðrar þvert um hug sinn?

Enginn réttur til aðildarviðræðna

Aldrei aftur fjárglæfra frjálshyggjunnar

Bless Icesave!

Pólitískir öfgamenn reyna að hvítþvo sjálfa sig með linnulausum hatursárásum á andstæðinga sína

Þrír þjóðkunnir stjórnmálamenn leggja hvert einasta lóð, sem þeir geta rogast með, á þær vogarskálar sem leiða til öfgakenndar umræðu um þjóðmálin.

Þeir heita Einar Kristinn Guðfinnsson, þingmaður og fyrrverandi ráðherra, Björn Bjarnason, fyrrverandi ráðherra, og Davíð Oddsson, fyrrverandi ráðherra.

Margir aðrir eru stóryrtir, en þessir þrír skera sig úr.

Langflest tillegg þeirra til umræðunnar einkennast af heift í garð ríkisstjórnarinnar, hatri, hefnigirni og óbilgirni.

Einnig hlægilegri viðleitni til að draga fjöður yfir aðkomu þeirra og Sjallaflokksins að hruninu mikla.

Vafalaust telja þessir menn sig vera að þjóna einhverjum málstað og gera gagn með sífelldum úrhellingum hlandkoppa sinna yfir landsmenn.

Líklegra er þó að 80-90% þjóðarinnar hafi skömm á ofstækinu sem þessir menn hafa tamið sér.

Fjárglæframennirnir munu allir sleppa

Arngrímur Ísberg dómari við fjárglæframanninn:
Ertu sekur?
Nei, herra dómari.
Hefur þú stolið einhverju áður?
Nei, þetta var í fyrsta skipti!
Fyrst svo er sleppur þú með sýknu í þetta sinn!

Nasistar

‎"Nýnasistum hefur fækkað um 1.600 í Þýskalandi og eru þeir nú taldir vera 25 þúsund.

Hins vegar hefur fjölgað um 600 í hópi þeirra sem taldir eru ofbeldisfullir og eru þeir nú 5.600." RÚV, júní, 2011.

5.600 einstaklingar eru ekki hátt hlutfall af þjóð sem telur um 85 milljónir.

Eðlilega eru Þjóðverjar mjög vel á varðbergi gagnvart þessu fólki og búa yfir strangri löggjöf.

Aðrar þjóðir eru vonandi líka á varðbergi gagnvart þessari óværu, sem nærist á fyrirlitningunni og hatrinu.

Hvað um Ísland?

Má allt hér?