Lúðvík sýndi fáséðan pólitískan kjark

"Hin ætlaða lítilsvirðing felst í því að ráða Lúðvík Geirsson bæjarstjóra að nýju þrátt fyrir að hann hafi ekki náð sæti í bæjarstjórn í liðnum kosningum."

Það er alltaf líf og fjör í Hafnarfirði og svo sem ekkert athugavert við að bæjarbúar velti fyrir sér ráðningu Lúðvíks Geirssonar í starf bæjarstjóra til tveggja ára.

Ég vil benda mótmælendum þessarar ráðningar á að Lúðvík sýndi meiri pólitískan kjark, með því að taka sjötta sætið, en menn eiga að venjast í þessu landi. Hann hefði auðveldlega getað verið ofar á listanum hefði hann kosið svo og flogið inn í bæjarstjórnina sem kjörinn fulltrúi.

Hverju hefðu mótmælendur þá mótmælt í dag?

Gult spjald á nýjan meirihluta

Athugasemdir

[Ágúst (IP-tala skráð) 13.6.2010 kl. 17:28]

Hann sýndi kjark og tapaði en samt fór hann ekki sorry ég sem Hafnfirðingur kaus einmitt VG vegna þess að mér fannst kominn tími á Lúðvík. En einu sinni koma stjórnmálaflokkarnir aftan að kjósendum Þetta er argasti dónaskapur

[Björn Birgisson, 13.6.2010 kl. 17:40]

Ágúst, þín skoðun á þessu máli er öllum öðrum skoðunum jafn rétthá, en sitt sýnist hverjum um þessa ráðningu.

[Björn Ívar (IP-tala skráð) 13.6.2010 kl. 18:17]

Hvers konar kjarkur er það ef þú dettur svo ekki útúr bæjarstjórn þegar þú kemst ekki þangað í kosningunum?

[Björn Birgisson, 13.6.2010 kl. 18:27]

Björn Ívar, Lúðvík er dottinn út úr bæjarstjórninni. Hana skipa 11 fulltrúar. Fimm frá Samfylkingu, fimm frá Sjálfstæðisflokknum og síðan einn fulltrúi frá VG. Nú verður Lúðvík framkvæmdastjóri meirihlutans næstu tvö árin. Algjörlega án atkvæðisréttar í bæjarstjórninni. 

[Óðinn Þórisson, 13.6.2010 kl. 18:50]

Var það ekki svo að hann setti sig sjálfan í þetta baráttusæti til að freysta þess að halda hreinum meirihluta - það tókst EKKI -

Hvaða flokkur undir forystu hvers var tapari kosninganna í Hafnarfirði  ?
Tapaði 2 bæjarfulltrúm OG til hvað flokks ?

Bíddu var það ekki sami maður sem treysti sér ekki til að taka afstöðu í álversstækkunaratkvæðagreiðslunni -

Þið SF - fólk eruð brandri OG varla hægt að taka ykkur alvarlega -

[Björn Birgisson, 13.6.2010 kl. 19:15]

Óðinn, þið Sjálfstæðismenn eruð brandari og aldrei er hægt að taka ykkur alvarlega. Tók ég afstöðu með ráðningu Lúðvíks í þessari færslu og þá nákvæmlega með hvaða orðum? Mín vegna hefðu Hafnfirðingar mátt ráða einhvern annan., en ég held að Lúðvík sé hinn þokkalegasti bæjarstjóri. Ég er sammála þér með aumingjaskapinn sem sýndur var í álversmálinu.

Svo er ég óflokksbundinn og hef alla tíð verið.

[Óðinn Þórisson, 13.6.2010 kl. 19:54]

Björn þar sem þú svarar ekki mínum spuringum ætla ég að svara þeim fyrir þig:

Það var Samfylkingin sem var tapari kosninganna í HFN undir forystu Lúðvíks Geirssonar
Samfylkingin tapaði 2 bæjarfulltrúum til Sjálfstæðisflokksins -
Fólkið vildi breytingar - það voru skilaboð Hafnfirðinga -

Er það lýðræði þegar flokkur sem fær 1 bæjarfulltrúa ræður því hvor flokkur sem hvor um sig fær 5 bæjarfulltrúa verði í meirihluta og fær bæjarstjórastólinn í 2.ár ?

[Björn Birgisson, 13.6.2010 kl. 20:05]

Óðinn, nei það er ekki lýðræðislegt, ég er sammála þér um það. Ekki frekar en myndun bæjarstjórnarmeirihluta í Grindavík var lýðræðisleg. Þar töpuðu sjálfstæðismenn manni, en hlupu svo í fangið á Framsókn, sem vann einn mann. Nýtt afl náði tveimur fulltrúum, tveimur af sjö, en gengið var fram hjá þeirri staðreynd við myndun meirihlutans. Pólitíkin er sjúklingur, oft illa haldinn og lítt viðbjargandi.

[Eyjólfur G Svavarsson, 15.6.2010 kl. 00:37]

Þar rataðist þér satt orð í munn, lýðræðið er fótum troðið og engum treistandi.

[Björn Birgisson, 15.6.2010 kl. 01:09]

Eyjólfur, mundu orð Cromvells, treystið Guði og gætið þess að láta púðrið ekki vökna!