Verður Hanna Birna næst?

Ólafur Áki Ragnarsson, fyrrverandi bæjarstjóri í Ölfusi, ákvað sjálfur að ganga úr Sjálfstæðisflokknum, en það skrýtna við þá ákvörðun var að hann vissi ekkert um hana. Frétti bara af henni símleiðis, svona eins og fyrir hendingu. 

Kristján Pálsson, fyrrverandi alþingismaður, fór í sérframboð og vantaði mikið á að hann kæmist inn á þing fyrir eigin lista. Í kosningunum var hann auðvitað í hörðum slag við Sjálfstæðisflokkinn um atkvæðin.

Var Kristján Pálsson rekinn úr Sjálfstæðisflokknum?

Eggert Haukdal, fyrrverandi alþingismaður fór, að mig minnir, tvisvar í sérframboð og komst að í annað skiptið. Örugglega með fjölmörgum atkvæðum Sjálfstæðismanna.

Var Eggert Haukdal rekinn úr Sjálfstæðisflokknum?

Hanna Birna er komin í visst samstarf við Jón Gnarr og Dag, í mikilli vanþökk Sjálfstæðisflokks forustunnar.

Verður Hönnu Birnu vikið úr Sjálfstæðisflokknum?

Enginn rekinn úr Sjálfstæðisflokknum

Athugasemdir

[Axel Jóhann Hallgrímsson, 25.6.2010 kl. 15:01]

Í ljósi þess sem á undan er gengið halda aumlegar útskýringar Jónmundar á brottvikningunni ekki vatni. Þar fyrir utan veldur það mér litlu hugarangri að Sjálfstæðisflokkurinn hafi hafið snúið sér að eigin niðurskurði.

[Björn Birgisson, 25.6.2010 kl. 15:13]

Axel Jóhann, sem sannur mannvinur átt þú að finna til með öllum sem eiga bágt. Þetta veistu. Hugur minn dvelur nú hjá ólafi Áka.

[Axel Jóhann Hallgrímsson, 25.6.2010 kl. 15:32]

Já satt er það Björn. Dagurinn er sennilega ónýtur hjá Ólafi Áka.  Flokkslumman, sem hefst núna kl. 4, hefur einkunnarorðin -Frelsi - Ábyrgð - Umhyggja- . Hvernig menn tengja þessi hugtök við þessa flokksómynd er mér hulin ráðgáta.