Hvað ætlar þetta svikna fólk að gera?

"Ragnheiður Ríkharðsdóttir, þingmaður og stjórnarmaður í samtökunum Sjálfstæðir Evrópumenn, er ósátt með niðurstöðu fundarins. „Það gefur auga leið að ég er langt frá því að vera sátt"  segir Ragnheiður."

Þá er bara að standa á sinni sannfæringu. Hvaða andskotans flokkaflaður og dekur er þetta? Er ekki tími til kominn að brjóta upp fjórflokkinn?

Þjóðin vill það án nokkurs vafa. Þá er bara að standa með sinni þjóð.

Er ekki ljóst að landsfundur Sjálfstæðismanna bað um þriðjung flokksmanna að hypja sig úr flokknum? Er ekki tími til kominn að þetta fólk skynji  sinn vitjunartíma?

Hvar er kjarkurinn? Hvar er ástin á þjóðinni? Hvar er virðingin fyrir eigin skoðunum?

Munið að framkvæmdastjóri flokksins bað Ólaf Áka, fyrrum bæjarstjóra Ölfus, væntanlegan fulltrúa á landsfundinum, að hypja sig úr flokknum vegna svika. Hann bauð sig fram með öðrum.

Hanna Birna vinnur nú með öðrum. Verður hún rekin úr flokknum?

Flokkurinn hefur svikið ESB sinna í sínum röðum og opinberað þröngsýni sína. Það er öllum ljóst.

Ragnheiður Ríkharðsdóttir, þingmaður og stjórnarmaður í samtökunum Sjálfstæðir Evrópumenn, er ósátt með niðurstöðu fundarins. „Það gefur auga leið að ég er langt frá því að vera sátt" segir Ragnheiður Ríkharðsdóttir þingkona og baráttukvendi. Flott kona.

Hvað ætlar þetta svikna fólk að gera?

Óþarfi að sundra flokksmönnum

Athugasemdir

[Guðbjörn Guðbjörnsson, 26.6.2010 kl. 22:48]

Sæll Björn!

Það er alveg ljóst hvað við ætlum að gera og við erum ekki aðeins að tala um 1/4 af þeim 24% sem nú kjósa flokkinn, heldur stóran hlutan þeirra 12%, sem yfirgáfu flokkinn í síðustu kosningum.

Með góðri kveðju,

Guðbjörn Guðbjörnsson 

[Björn Birgisson, 26.6.2010 kl. 23:04]

Sæll Guðbjörn! Takk fyrir innlitið.

Hvað ætlið þig að gera?

[Guðbjörn Guðbjörnsson, 26.6.2010 kl. 23:11]

Við ætlum að stofna nýjan heiðarlega og óspilltan miðju/hægri flokk!

[Aðalsteinn Agnarsson, 26.6.2010 kl. 23:58]

Sameinaðir stöndum vér, sundraðir föllum vér. Í hvað er Þjóðinn að fara.

[Valsól (IP-tala skráð) 27.6.2010 kl. 00:00]

Hvað er fólk eiginlega tilbúð að fórna miklu bara fyrir tryggð sína við flokk á borð við Sjálfstæðisflokkinn. Hugsið ykkur að ef við göngum í ESB þá lækka vextir á öllum lánum til heimilanna og fyrirtækja um 228 miljarða á ári, já 228 miljarða á hverju ári. Þetta eru peningar sem ég og þú eigum og verðum að vinna hörðum höndum fyrir og láta síðan af hendi við fjármagnseigendur. Að ganga í ESB yrði þess vegna mesta kjarabót sem íslenskum almenningi mun nokkurn tíman standa til boða. Hugsið ykkur einnig allar vinnustundirnar sem almenningur þarf að leggja á sig til að borga þessa 228 miljarða á ári. Þetta er fórnarkostnaðurinn sem við borgum fyrir að vera ekki í nánara samstarfi við aðrar þjóðir, og husið ykkur einnig hve við gætum búið börnunum okkar betra líf ef ekki kæmi til þetta rán á hverju ári. Einnig má velta því fyrir sér allan þann frítíma sem fólk hefði ef það þyrfti ekki að vinna myrkran á milli til að borga þessa okurvexti. Áfram ESB!!!!

Svona lán munu bjóðast Íslendingum ef þeir ganga í ESB. Þeir gætu valið á milli

   1. Lán með 4 prósenta föstum vöxtum til 30 ára.

   2. Lán með breytilegum vöxtum til 30 ára. Vextirnir á því láni eru nú 1,9 prósent og geta aldrei farið upp fyrir 5 prósent.

  

Sumir Íslendingar vilja borga sín lán með verðtryggingu og vöxtum 17 falt til baka, þ.e. þeir sem eru á móti því að ganga í ESB. Þessi kjör hér að ofan standa dönskum almenningi - og öllum Evrópubúum ef út í það er farið - til boða. Og þau eru öll óverðtryggð enda slíkt fyrirbæri óþarft í heilbrigðum hagkerfum. Þau sem sagt lækka í hvert skipti sem borgað er af þeim. Ef við tökum lán til 40 ára hér á landi og miðum við 5% vexti og 5% verðbólgu, sem sagt allt í fína lagi, þá þurfum við að borga hátt í 200 miljónir til baka á þessum 40 árum. Ef við tökum lán á evrusvæðinu 20 miljónir til 40 ára, þá þurfum við að borga 24 miljónir til baka. Hvort vilt þú?

Gott fólk, út af hverju takið þið ekki afstöðu til ESB út frá því hvort það komi ykkur persónulega vel eða ekki? Kvótagreifinn tekur afstöðu til ESB út frá því sem er best fyrir hann, óðalsbóndinn tekur afstöðu út frá því sem er best fyrir hann. Hvað með þig, langar þig að borga húsnæðislánið þitt 10 falt til baka, eða rúmlega einu sinni til baka? Hættum þessu bulli að láta einhverja sérhagsmunasambönd teyma okkur út í stuðning við örfáa aðila, tökum bara afstöðu til ESB út frá því sem kemur okkur sjálfum og fjölskyldum okkar best. Hvort viltu borga til baka af 20 miljóna króna íbúðarláni, 200 miljónir eða 24? Ertu flón eða maður sem stendur með sjálfum þér?
Lestu eftirfarandi og spurðu sjálfan þig hvort það sé þess virði að styðja við bakið á kvótagreifum og óðalsbændum? Hversu miklu ertu tilbúinn að fórna svo sérhagsmunaaðilar sofi rólega á meðan þú borgar af láninu þínu?



Samkvæmt útreikinginum á kostnað við fasteignalán til fjörutíu ára í Þýskalandi á fasteignavefnum Immobilienscout:=> Fjárhæðin skiptir ekki máli fyrir útreikningana, hún vex í sama hlutfalli hversu há sem hún er, en við miðuðum við 100.000 evrur og þá 4% vexti sem gefnir eru upp til viðmiðunar. Vaxtarkostnaður við slíkt lán væri 19.475 evrur. Það er, heildarfjárhæðin sem lántaki greiðir til baka á 40 árum er 119.475 evrur. Vaxtakostnaðurinn er tæp 20% af lánsfjárhæðinni.
Kostnaðurinn við þýskt húsnæðislán til 40 ára er því undir 20% af lánsfjárhæðinni. Kostnaðurinn við íslenskt húsnæðislán til sama tíma, miðað við 6% vexti og 5% verðbólgu, er yfir 800% af lánsfjárhæðinni. Munurinn á 20% (0,2x) og 800% (8x) er fertugfaldur.

[Aðalsteinn Agnarsson, 27.6.2010 kl. 00:33]

Valsól.  Heldurðu að Hollendingar, Bretar, Frakkar, Spánverjar, Danir, Svíar, Frakkar og fleiri

gamlar nýlenduþjóðir fari að gefa Íslendingum eitthvað.

[Valsól (IP-tala skráð) 27.6.2010 kl. 04:13]

Aðalsteinn, lastu ekki það sem ég skrifaði, það stendur hvergi að við séum að fá eitthvað frá þessum þjóðum.

[Aðalsteinn Agnarsson, 27.6.2010 kl. 09:35]

Af hverju eiga útlendingar að bjarga okkur. Við gætum haft hér himnari á jörðu, ef við sjálf

til dæmis nýttum fiskimiðinn á annan hátt en er gert í dag.

[Aðalsteinn Agnarsson, 27.6.2010 kl. 10:51]

Þetta átti að vera himnaríki á jörðu.

[Íslendingur! (IP-tala skráð) 27.6.2010 kl. 11:05]

Með því að "svíkja" þetta fólk, sýndi Sjálfstæðisflokkurinn viðleitan í átt til þess að svíkja ekki fólkið í landinu, hagsmuni þess, vilja þess og lýðræðislegan rétt kjósenda sinna, meira en hann, eins og allir aðrir íslenskir flokkar í landsmálapólítíkinni í dag, hafa þegar gert. Það mætti kalla þetta iðrun og yfirbót. Batnandi manni er best að lifa ef hann sýnir nógu skír og skilmerkileg merki og raunverulegan bata. Til þess þarf enn meira en þetta. Fólkið í landinu vill ekki sjá þetta fólk frekar en flokkurinn þeirra. Vona þau flytji burt til Brussel með næstu vél. Lifi íslenska LÝÐVELDIÐ!!!!!!!!!!!!!!!

[Gissur Jóhannesson (IP-tala skráð) 27.6.2010 kl. 20:53]

Valsól: Eigum við ekki að reyna að vinna fyrir okkur sjálf en vera ekki alltaf að tala um peningaslátt með öllum þeim vaxta kostnaði sem því fylgir og þá ef til vill helst í útlöndum. Fáum við einhverja peninga gefins frá ESB?  Veistu hvað árgjald Íslendinga til ESB.er hátt?

[Björn Birgisson, 27.6.2010 kl. 21:35]

Guðbjörn Guðbjörnsson, gangi þér sem best með þín plön. Þú veist manna best að erfitt hefur reynst hérlendis að brjóta upp það sem fyrir er.

Það þarf kjarkmenn til að reyna. Vilmundur Gylfason gerði það. Gunnar Thoroddsen gerði það. Albert Guðmundsson gerði það. Hannibal Valdimarsson gerði það.

Ert þú einn slíkur?

Gangi þér sem best.