Hundfúlir hægri menn út í sitt eigið lið

"Niðurstaða héraðsdóms er ekki fjarri því sem ég taldi líklega í málinu þótt aldrei sé hægt að gefa sér slíkt fyrir fram" segir Gylfi Magnússon, efnahags- og viðskiptaráðherra."

Dagur er að kveldi kominn og búið að dæma sanngjarna vexti á gengislánin. Eru þá ekki allir ánægðir?

Nei, ekki hægri sinnaðir skuldarar. Þeir eru hundfúlir. Þeir ætluðu nefnilega að græða á dómi Hæstaréttar, enda gróðinn þeim alltaf ofar í huga en skynsemin.

Nú segja þeir að dómarinn hafi ekki þorað annað en að láta undan þrýstingi stjórnvalda, FME og Seðlabankans.

Þessar fákænu elskur eru algjörlega að gleyma einu.

Níu af hverjum tíu dómurum þessa lands eru skipaðir í stöður sínar af Sjálfstæðisflokknum! Dómsmálaráðherrum þess flokks!

Því skyldu þeir hlusta á Jóhönnu og Steingrím?

Brosið bara og borgið, fýlupokarnir ykkar, eins og vinstri menn gera!

Ekki ósanngjörn lending

Athugasemdir

[Guðmundur Júlíusson, 23.7.2010 kl. 20:30]

Hverjir eru fýlupúkar kæri vin?  þú heldur því út í rauðan dauðan að halda með vinstri stjórninni sem ekkert hefur gert af viti þann tíma sem þeir hafa haft frá konsingum!! skömm þeirra er  slík að útigangsmenn leita ekki einu sinni skjóls þar sem þá er að finna!!

[Ben.Ax. (Benedikt Jóhannes Axelsson), 23.7.2010 kl. 20:30]

Ég þekki bæði vísitölutryggð lán og óverðtryggð. Illt er að borga af hvorum tveggju. Ég hef ekki prófað að borga af ólöglegu gengisláni en býst við að það hafi verið þeim mun ljúfara þegar gengið var lágt en það er í dag eftir hrun. Ekki hefði ég röflað meðan allt lék í lyndi en núna hefði ég orðið bandvitlaus ef ég hefði getað það yfir þessum ófögnuði.

[Björn Birgisson, 23.7.2010 kl. 20:43]

Guðmundur minn, ljótt er að heyra, en útigangsmenn eru auðvitað afurð íhaldsins og þeirra sem vilja hag fárra umfram hag heildarinnar. Þetta veist þú manna best.

[Stebbi (IP-tala skráð) 23.7.2010 kl. 20:44]

Þetta eru fjarri því sanngjarnir vextir.

Ég þekki engan sem hefði tekið lán til íbúðakaupa eða til að kaup bíl með 16 % vöxtum.

[Björn Birgisson, 23.7.2010 kl. 20:46]

Ben.Ax, ég á fáeinar krónur. Viltu fá þær að láni nú með 3% vöxtum og gengistryggingu við dollarann í Zimbabve?

[Björn Birgisson, 23.7.2010 kl. 20:47]

Stebbi minn, áttu enga vini?

[Ben.Ax. (Benedikt Jóhannes Axelsson), 23.7.2010 kl. 21:01]

Ég er til í að prófa allt einu sinni nema sjálfsmorð. Sendu mér krónurnar og ég sé um rest.

[Björn Birgisson, 23.7.2010 kl. 21:28]

Ben.Ax, þetta yrðu þá ólögleg viðskipti. Sjálfsmorð er ekki ólöglegt, bara smánarlegt uppgjör einstaklings við eigin tilveru. Friedrich Hebbel sagði: Eina raunverulega mannfyrirlitningin er sjálfsfyrirlitningin, hún er ávallt sönn. Hvað þarftu mikið?

[Ben.Ax. (Benedikt Jóhannes Axelsson), 23.7.2010 kl. 21:36]

Það hefur nú ekki vafist fyrir okkur hingað til að brjóta lög. Hanni í Vík sagði: Hvenær ætli séra Sigurður, bróðir minn, verði búinn að rækta það mikil tún að hann fái ekkert af þeim? Þetta er sú spurning sem mér finnst að íslenskir stjórnmálamenn verði að svara.

[Björn Birgisson, 23.7.2010 kl. 21:43]

Færðu einhver svör? Held ekki. Íslenskir stjórnmálamenn eru ekki menn svaranna.

Samfélag sauðkinda lýtur óhjákvæmilega ríkisstjórn úlfa.

[Ben.Ax. (Benedikt Jóhannes Axelsson), 23.7.2010 kl. 21:53]

Megum við samt ekki þakka guði fyrir að hann skapaði ekki sauðkindina í sinni mynd?

[Björn Birgisson, 23.7.2010 kl. 22:10]

Hann gerði það.

[Stebbi (IP-tala skráð) 23.7.2010 kl. 22:17]

Jú sennilega mun fleiri en þú.

[Björn Birgisson, 23.7.2010 kl. 22:20]

Gott, Stebbi minn, þetta var gott að heyra.

[Stebbi (IP-tala skráð) 23.7.2010 kl. 23:08]

Hvar finnur þú eiginlega fólk sem er til í að taka íbúðarlán á 16% vöxtu?