Vingull í pólitík, hver tekur mark á honum?

Aðspurður um stjórnmálaskoðanir sínar kveðst Alvar eiga erfitt með að staðsetja sig til hægri eða vinstri.

„Hvað er til hægri og hvað er til vinstri? Segðu mér það?" spyr Alvar, og hefur greinilega enga hugmynd um það sjálfur, sem skýrir margt í hans máli.

Hann bætir því svo við að á yngri árum hafi hann tekið þátt í störfum Heimdallar, félags ungra sjálfstæðismanna, en svo fært sig yfir í Framsóknarflokkinn. Hann hafi greitt Borgarahreyfingunni atkvæði sitt í síðustu Alþingiskosningum.

Alvar er greinilega pólitískur vingull. Hann má vita að á slíkum vinglum tekur ekki nokkur Íslendingur mark og hefur aldrei gert og mun aldrei gera. Pólitískir vinglar sjá hlutina gjarnan út frá eigin hagsmunum, en hagsmunir heildarinnar skipta þá engu máli.

Ég um mig frá mér til mín.

Alvar fellur í þá ormagryfju að kenna núverandi ríkisstjórn um allt sem miður hefur farið. Hann kýs að gleyma fortíðinni. Það gengur bara ekki upp. Fortíðardraugarnir hverfa ekki vegna barnalegra óska um það.

Að hampa sjónarmiðum, eins og hér er gert, er eingöngu gert af illum hug.

Hlægilega illum hug fjölmiðils sem elskar meira að hata, en leita sannleikans.

 

Ögmundur sveik loforðið

Athugasemdir

[Sigurður Sigurðsson, 9.9.2010 kl. 00:36]

Já Björn það er eins gott að vera staðfastur í pólitíkinni. Hugsa sér að maðurinn skuli hafa skipt stjórnmálaskoðanir eins og naríur. Það gengur bara alls ekki. 

[Björn Birgisson, 9.9.2010 kl. 00:43]

Öllum er hollt að skipta um naríur af og til.

[Bjössi (IP-tala skráð) 9.9.2010 kl. 01:09]

Hvað sem fortíðinni líður þá er það er samt alveg rétt hjá honum að að núverandi ríkisstjónarflokkar hafa svikið flest sem þeir lofuðu í aðdraganda kosninga, og að aðgerðir núverandai stjórnar hafa einkennst af ráðaleysi og  fumi og fálmi út í loftið, eða að því brjóta á bak aftur allt sem gæti orðið til að bæta t.d. ástand í atvinnumálum, einkanlega hefur Vinstra Slímið verið öflugt í því. Og það eina sem eftir stendur hjá samfylkingunni eru Bruxelldraumrinn,sem málið sem sem ekkert hefur breyst í þeirra meðförum. Það er sammermt með þessarri stjórn og landeyjahöfn að það þarf að bmoka fllórinn regluleg á báðum stöðum , ekki sitja bara og bíða eftir að hann fyllist af skít Og auk þess legg ég til að Ömmi bömmer og öll hans klíka  verði send í hellin í Flatey á Skjálfanda , eina staðinn á landinu sem ætlaður griðastaður  þursa, forynjan og slíks hyskiis ef eitthvað er að marka söguna um Guðmund Biskup Góða.

[assa (IP-tala skráð) 9.9.2010 kl. 01:40]

Þetta er endalaust karp á milli fólks með sömu skoðanir. Eini munurinn á þessu fólki er sá að það telur hinn eða þennan stjórnmálaflokk bestan til þess fallinn að gera hlutina á þann hátt sem það telur rétt. Fæstir geta viðurkennt þegar "þeirra" flokkur gjörsamlega flippar og getur ekki gert neitt rétt, hvað þá að viðurkenna mistök sín. Hversu oft hefur maður ekki t.d. heyrt fjármálaráðherra taka sér eftirfarandi orð í munn : Ég tel...... ég tel að ég hafi farið með rétt mál....ég tel að ég hafi gert þetta eða hitt rétt...ég tel að ég hafi sagt þetta á réttan hátt á réttum tíma.....ég tel að allt sem ég segi og geri sé það rétta...bla bla bla. Hvaða máli skiptir það hvað hann telur ef í ljós kemur að það sem hann telur að sé satt og rétt sé svo á endanum gjörsamlega út í hött! Ég tel að Icesave...þetta og hitt og alltaf taldi blessaður maðurinn vitlaust! Má til með að enda á orðunum......ég tel að við ættum að innleiða persónukjör í þessu landi sem fyrst þar sem ég tel að það eina sem dugar á þessa einstaklinga sem kosnir eru á þing sé aðhald á persónulegar gjörðir þess á þingi. 

[Hólímólí (IP-tala skráð) 9.9.2010 kl. 05:10]

Ég prufaði einu sinni að skipta ekki um naríur og get staðfest að það veit ekki á gott og gengur ekki til lengdar. Sjáið bara Loft.

[Geir Ágústsson, 9.9.2010 kl. 07:11]

Vont er að verða verra, miklu verra, og ef stjórnmálamenn ætla sér á annað borð að vinna fyrir kaupinu sínu þá verða þeir að vinna fyrir kaupinu sínu en ekki í sífellu tala um það hvernig aðrir unnu fyrir sínu, fyrir mörgum misserum síðan.