Botnlaus fata í Landeyjum?

"Dýpkunarskipið Perlan vinnur núna við dýpkun Landeyjarhafnar. Ljóst er að meiri sandur er í rifi sem lokar höfninni en búist var við. Veður hefur einnig áhrif á hversu langan tíma tekur að dæla sandinum úr innsiglingunni."

Gæti verið að Perlan sé þarna komin í sannkallað eilífðarverkefni? Alla vega er nóg af sandi fyrir suðurströnd landsins og hann tekur því miður ekkert tillit til þessa verkfræðiundurs sem Landeyjahöfn er. Eða var ætlað að vera.

Hvað verður um sandinn sem mokað er upp úr innsiglingu Landeyjahafnar?

Er sagan um botnlausu fötuna að taka á sig nýjan blæ í Landeyjahöfn?

 

 

Herjólfur siglir áfram til Þorlákshafnar

Athugasemdir

[Árni Gunnarsson, 12.9.2010 kl. 18:00]

Það er "metnaðarfullt" verkefni fyrir dæluskipið að hafa undan straumnum sem ber sandinn inn í höfnina.

Kannski er þetta hluti af okkar lofsverðu stóriðjustefnu?

Nú er bara að byggja fleiri svona hafnir þarna suðurfrá og fjölga dæluskipum að sama skapi.

Ekki megum við gleyma því hversu gífurlega verðmætur reynslusjóður er að skapast þarna.

Er ekki íslensk tækni við hin ýmsu séríslensku verkefni talin verðmæt til útflutnings?

Nú er bara að hafa hratt á hæli og stofna alþjóðlegt fyrirtæki:

Eyjafjallajökull Vulkan Green Energy, eða eitthvað í þá áttina.

Tökum Binga áða!

[Björn Birgisson, 12.9.2010 kl. 18:03]

Árni, takk fyrir þetta. Af hverju setur þú þetta ágæta innlegg ekki upp sem sérfærslu við fréttina?

[Valgeir (IP-tala skráð) 12.9.2010 kl. 19:55]

Takk, og takk þér Árni fyrir frábært innlegg

ps. Það á ekki að spyrja tveggja spurninga í skoðanakönnun (þó oft sé það gert...). Úrslitin er hægt að skilja á alla vegu ;)

[Björn Birgisson, 12.9.2010 kl. 20:36]

Skoðanakönnun vegna þessa heimskulega máls getur ekki orðið annað en heimskuleg. Með ráðum gert.