Allt er gott sem endar vel

12.9.2010 | 23:08

"Um 50 björgunarsveitarmenn leituðu að manninum í dag. Búið var að kalla út þyrlu Landhelgisgæslunnar, leitarhunda og setja björgunarsveitir á Vesturlandi í viðbragðsstöðu."

Eitt megum við Íslendingar eiga algjörlega skuldlaust. Það er viljinn til að hjálpa þegar samlandar okkar lenda í hremmingum til fjalla, sjávar og sveita.

Um leið og fréttist að einhvers sé saknað fer mikill viðbúnaður í gang. Fjöldinn allur af sjálfboðaliðum er alltaf tilbúinn að leggja á sig erfiði og raunir og setja sig í hættu við erfið skilyrði.

Mér létti gríðarlega þegar ég las hér á mbl.is að gangnamaðurinn hefði skilað sér til byggða heill á húfi og samgleðst honum og öllu hans fólki.

14 ára gamall var ég í göngum vestur á fjörðum, rammvilltist í niðdimmri þoku, þar sem skyggnið var kannski 10-15 metrar. Það var óþægileg upplifun.

Heim komst ég að lokum, eftir að hafa heyrt köll félaga minna og runnið á hljóðið.

Þetta rifjaðist upp fyrir mér í dag þegar fréttir bárust af týndum gangnamanni.

	Gangnamaðurinn heill á húfi
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt 13.9.2010 kl. 10:19 | Facebook

Athugasemdir

Það er býsna villugjarnt á Skagaheiðinni í þoku, það þekkir undirritaður.

Axel Jóhann Hallgrímsson, 12.9.2010 kl. 23:57

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Björn Birgisson

Er Ísfirðingur, búsettur í Grindavík síðan 1975, óflokksbundinn alla tíð, en áhugasamur um þjóðmál, smærri sem stærri. Afrekaskráin mín í lífinu er vel varðveitt leyndarmál. Er þó tvöfaldur einherji, þrátt fyrir 18 í forgjöf! Ef mikið liggur við er síminn minn 692-8060.