Ríkisstjórnin að springa?

Best að vera fyrstur með fréttirnar að vanda og breyta þar ekki út af. Landsdóms þvælan er að ganga að ríkisstjórninni dauðri. Tillögur Atlanefndarinnar um kærur á fyrrum ráðamenn eru svo arfavitlausar að skynsamt fólk getur ekki við þær unað.

VG menn, Framsóknarmenn og Hreyfingin eru með blóðbragð í munninum og vilja smjatta á óförum meintra andstæðinga sinna.

Samfylkingin er að leita leiða út úr samstarfinu við VG. Landsdóms kjaftæðið er sú leið.

Ríkisstjórnin er að springa.

Hvellurinn verður um næstu helgi.

Athugasemdir

[Hólímólí (IP-tala skráð) 16.9.2010 kl. 00:58]

Hringirðu ekki í mann korteri fyrir hvell?

[Guðmundur Ingi Kristinsson, 16.9.2010 kl. 01:10]

Vonandi ertu sannspár. Ef ráðherrar eru klaufar til vinnu nú sem endranær skulum við ekki gleyma hverjir réðu þá til vinnu ,Alþingismenn. Svo mín spurnig er, er vinnuveitandinn ábyrgur fyrir sínum skussum eða skussarnir?

[hilmar jónsson, 16.9.2010 kl. 01:10]

Hvað er hlaupið í þig Björn ?

Ef SF getur ekki sætt sig við að réttlæti eigi að ganga jafnt yfir ráðherra sem aðra þegna, þá mega þeir vissulega missa sig.

Leita leiða úr samstarfi ? og hvað ...biðla til hrunflokksins ?

[Axel Jóhann Hallgrímsson, 16.9.2010 kl. 01:14]

[Björn Birgisson, 16.9.2010 kl. 01:15]

Nei, ég verð upptekinn við barnabarna pössun alla næstu helgi, svo eru líka réttir í Grindavík á laugardaginn. Þórkötlustaðarétt, þar sem sagan angar af hverjum steini og ég verð að anda henni að mér.  Ég er svona innöndunarmaður!

[Björn Birgisson, 16.9.2010 kl. 01:21]

#5, Var að svara Hólímóli. #1.

[Björn Birgisson, 16.9.2010 kl. 01:29]

Axel Jóhann, takk fyrir umferðarfræðsluna, ekki veitti nú villuráfandi sauði af!

[Björn Birgisson, 16.9.2010 kl. 01:39]

#3. Hilmar minn, ekkert hefur hlaupið í mig nema sá svefngalsi sem einkennt hefur mig síðustu 40 árin!

[Einar Guðjónsson, 16.9.2010 kl. 12:05]

Nei hún er ekki að springa, hún er að koma vinum og kunningjum á beit hjá ríkissjóði. Þess á milli dælir hún sandi við bakkafjöru og það er eilífðarverk.