Bólfarir selja og eru seldar

Nú veit maður hvernig best er að auglýsa rétt óútkomnar bækur á bestan og ódýrastan hátt. Sölvi Tryggvason er að skrá sögu Jónínu Benediktsdóttur og með nokkuð reglulegu millibili birtist eitthvað djúsi í DV vegna þeirrar vinnu. Nú eru það meintar bólfarir fraukunnar nýgiftu með þekktum stjórnmálamanni. Bólfarir selja alltaf og eru víst stundum seldar í útlöndum, ekki á Íslandi, sem betur fer (Hm...), en hvað skyldi koma næst af Jónínumálum. Vonandi eitthvað kristilegt og siðlegt!

Fréttin er svona:

"Sölvi Tryggvason, sem um þessar mundir vinnur að ævisögu Jónínu Benediktsdóttur, þvertekur fyrir flökkusögur sem gengið hafa um bókina. Þá hafa einhverjir óprúttnir aðilar haldið því fram að í bókinni sé sagt frá bólförum Jónínu og þekkts stjórnmálamanns.

„Augljóst var að sagan kom ekki frá mér og gat ekki komið frá neinum sem hafði séð textann, þar sem ég hafði ekki sýnt hann neinum. Einhver illa haldinn einstaklingur ákvað sem sagt að dreifa þessari sögu. Hvert markmiðið með því var veit ég ekki." segir Sölvi á Pressubloggi sínu.

Hann segist enn fremur hafa haft samband við hinn umrædda stjórnmálamann til þess að forðast misskilning, en sá hafi tekið flökkusögunni með æðruleysi.

,,Ég var upp með mér að heyra þetta, enda hefur Jónína alltaf þótt góður kvenkostur. Ég myndi ekki skammast mín ef ég hefði átt svona náin kynni við hana." Hefur Sölvi eftir hinum dularfulla pólitíkusi." segir dv.is

Og hver er svona skotinn í Jónínu Ben, sem "alltaf hefur þótt góður kvenkostur"?

Er ekki allt í lagi?

Athugasemdir

[Guðmundur Júlíusson, 18.9.2010 kl. 23:57]

Víst er Jónína  góður kvennkostur, en ég segi fyrir mitt leyti, að að hún sé allt of  frek og ráðrík fyrir mína drauma um bólfarir, fyrir utan að hún er og gömul fyrir mig, ekki skal ég segja til um hver þessi tiltekni  pólítíkus er en hann  hlýtur að vera úr röðum Samfylkingarmanna eða þá í Framsóknarranna.

[Björn Birgisson, 19.9.2010 kl. 00:07]

Guðmundur Júlíusson, haltu þínum draumum og fantasíum um bólfarir algjörlega fyrir þig. Ef nokkurt sannleiksgildi er í sögunni vona ég, konunnar vegna, að um sé að ræða góðan og gegnan kommúnista. Þeir eru bestir í bólinu!