Nú styttist í nótt hinna löngu hnífa í stjórnmálum landsins

„Fundurinn gekk bara mjög vel. Þetta var mjög málefnaleg og góð umræða," sagði  Magnús Orri Schram, þingmaður Samfylkingarinnar" eftir Kópavogsfundinn hinn síðari.

Nú styttist í nótt hinna löngu hnífa í stjórnmálum landsins. Þingmenn þurfa að skipa samherjum og vinum á sakamannabekk. Bekk sem ætti auðvitað að vera þéttsetinn öllum þingmönnum sem sátu á Alþingi, nokkrum árum fyrir hrunið mikla og þegar það varð og í millitíðinni.

Allur þessi málatilbúnaður er svo forkastanlegur að þjóðin verður að athlægi um allan heim og er nú nóg komið í þeim efnum. Að innleiða ákæruvald eftir flokkspólitískum línum er slík afbökun á lýðræði og réttlæti að annað eins hefur hvergi sést á byggðu bóli. Svona gera bara skrælingjar.

Það sárgrætilega og grátbroslega við alla þessa vitleysu er auðvitað það að nöfn Davíðs Oddssonar, Halldórs Ásgrímssonar og Valgerðar Sverrisdóttur eru ekki á lista væntanlegra sakamanna.

Ég vil ítreka að hver sá flokkur, eða flokksmaður, sem greiðir þessum ákærum atkvæði sitt, mun aldrei fá mitt atkvæði í kosningum. Hvorki á landsvísu, né í héraði.

Vona að fleiri hugsi á sömu nótum.

 

 

Skiptar skoðanir um ákærur

Athugasemdir

[Sigurður Haraldsson, 28.9.2010 kl. 00:10]

Sæll ég ítreka að hver sjá flokkur sem ekki greiðir þessum ákærum atkvæði sitt fær ekki atkvæði mitt meðan ég stend uppi!

[Björn Birgisson, 28.9.2010 kl. 00:19]

Sigurður, ég virði þína skoðun.

[Sigurður Sigurðsson, 28.9.2010 kl. 00:40]

Æ þetta er auðvitað kolbilað lið. Svakalega held ég að þeim langi að finna einhverja góða nefnd og svæfa máliðþ

[Björn Birgisson, 28.9.2010 kl. 00:43]

Sigurður, góður svefn í nefnd eða hjá SÞ skaðar engann!

[Axel Jóhann Hallgrímsson, 28.9.2010 kl. 00:56]

Er það forsvaranlegt að saksóknari í þessu landi stilli sakamönnum upp í vini og óvini, vandamenn og fjarskylda? Auðvitað ekki! Hvernig þá í andskotanum dettur mönnum í hug að Alþingi geri það?

Alþingi á ekki að ákveða sekt fjórmenningana í umræðum á þinginu. Alþingi getur aðeins, eftir að tillaga um kæru fyrir Landsdómi hefur verið borin upp, samþykkt hana og látið Landsdóminn sjá um sekt eða sýknu.

[Björn Birgisson, 28.9.2010 kl. 00:56]

Mér finnst gaman að velta vissum hlutum fyrir mér. Í þessari örstuttu færslu er ég með vísan í tvö ákveðin sagnfræðileg atriði, annað örlagaríkt innlent , hitt örlagaríkt í Evrópu.

Mér finnst gaman og gagnlegt að setja hlutina í sögulegt samhengi. Sérstaklega er svo ánægjulegt ef ég sé að lesendur mínir fylgja mér eftir og bæta við á þeim nótum.

Bæta um betur. Þess sakna ég.

[Sigurður Sigurðsson, 28.9.2010 kl. 01:07]

já þetta var eitthvað svo lýsandi myndin frá SÞ fyrir íslenska stjórnsýslu.

[Björn Birgisson, 28.9.2010 kl. 01:08]

Axel minn Jóhann, er það misskilningur af minni hálfu að við höfum ekki verið sammála um þetta mál eða málsmeðferðina?

[Axel Jóhann Hallgrímsson, 28.9.2010 kl. 01:51]

Nei.

[Björn Birgisson, 28.9.2010 kl. 01:59]

Menn geta aldrei verið sammála um alllt. Kannski flest. Ekki allt. Það er í góðu lagi. Þannig á það að vera.

[Rósa Halldórs (IP-tala skráð) 28.9.2010 kl. 06:46]

Allir sem sátu á þingi 2008 eru óhæfir og ættu að sjá sóma sinn í að víkja af þingi. Finna sér aðra vinnu.

Ég rakst hér inn því ég hélt að hér væri kannski umræða um að komið væri að því að grasrótin risi upp í fjórflokk. Eins og gerðist í VG í gærkvöldi í Reykjavíkurfélaginu, þar sem varð hallarbylting. Líklega var það stuðningsfólk Ögmundar og Lilju Mósedóttur sem náðu yfirtökunum. Veitir ekki af að fá öfluga talsmenn alþýðunnar loksins með.