Er ekki hægt að stöðva þessa vitleysu?

Ákæruferlið á hendur Geir H. Haarde fyrrverandi forsætisráðherra er nú formlega hafið.

Ingibjörg Benediktsdóttir forseti Hæstaréttar verður forseti landsdóms og síðastliðinn þriðjudag sendi hún Geir bréf með formlegri tilkynningu þess efnis að Alþingi hefði ákveðið að höfða á hendur honum mál fyrir landsdómi vegna meintra brota á lögum um ráðherraábyrgð. Búist er við að málsmeðferðin vegna málareksturins taki á annað ár.

Á annað ár? Og meirihluti hæstaréttardómaranna tepptur í þessu eina máli og kemur ekki að öðrum málum á meðan. Rétt eins og á þeim bænum séu ekki næg verkefni framundan.

Hvað heldur fólk að þessi endaleysa kosti?

Á Geir svo ef til vill rétt á skaðabótum verði hann sýknaður eins og flest bendir til?

Er ekki einhver fær leið til að stöðva þessa hræðilegu vitleysu? 

Athugasemdir

[Jóhannes Laxdal Baldvinsson, 4.10.2010 kl. 13:24]

Eigum við að semja Björn, ESB umsóknin verði dregin til baka geng því að Alþingi endurskoði ákærur á hendur Geir og setji þess í stað á fót Sannleiksnefnd að tillögu Benedikts Sigurðarsonar frá Grænagarði í Mývatnssveit

[hilmar jónsson, 4.10.2010 kl. 13:26]

Björn: Hvaða vitleysu ? Eina vitleysan sem ég sé er að Björgvin Árni Matt og Ingibjörg skuli ekki sæta sömu ákærum.

Stóð ekki til að gera upp hrunið og draga þá til ábyrgðar sem sök bera ?

Auðvitað eiga Davíð og Halldór að vera með í þessari ákæru og ef til vill opnast leiðir til þess í kjölfar yfirheyrslu á Geir.

Hvað er málið ?

[Björn Birgisson, 4.10.2010 kl. 13:30]

Jóhannes, ég held að ESB umsóknin verði ekki dregin til baka úr þessu.

[Björn Birgisson, 4.10.2010 kl. 13:33]

Hilmar, ég þekki þínar skoðanir á þessu máli og þú mínar. Er það ekki nóg?

[hilmar jónsson, 4.10.2010 kl. 13:34]

Jú, sennilega meira en nóg Björn......

[Björn Birgisson, 4.10.2010 kl. 20:19]

Hilmar, ertu ekki stilltur í kvöld?