Hreyfingin í ríkisstjórn?

„En það var ekki kynnt neitt nýtt, og það voru ekki kynntar neinar almennar aðgerðir, en við töluðum saman og komum okkar sjónarmiðum að. Þetta var kannski svolítið fyrirmyndarfundur hvað varðar andrúmsloftið. Ég vildi mjög gjarnan að fundir og vinnubrögð á Alþingi væru almennt svona." sagði Margrét Tryggvadóttir, háttvirt þingkona Hreyfingarinnar.

Það liggur á milli línanna að Hreyfingin er á leið upp í sæng ríkisstjórnarinnar. Hún vill koma að öllum góðum málum af alúð og það gerir hún ekki með formlegri stjórnarandstöðu. Með inngöngu Hreyfingarinnar í Ríkisstjórn Íslands verða hlutföllin 38:25 á Alþingi og Hrunflokkarnir munu standa eftir eftirminnilega strípaðir, sem væri verulega við hæfi.

Nú þarf að finna Þór Saari embætti við hæfi.

 

„Súrrealískt fáránlegt“

Athugasemdir

[Aðalsteinn Agnarsson, 12.10.2010 kl. 23:35]

Björn, Birgitta var fyrir utan Stjórnarráðið í morgun!

[Skúli (IP-tala skráð) 13.10.2010 kl. 00:38]

En er ekki Samfylkingin ein af hrunflokkunum þremur?

[Jón Óskarsson (IP-tala skráð) 13.10.2010 kl. 07:41]

Saari !    Segi ekki meir!

[Rósa (IP-tala skráð) 13.10.2010 kl. 09:42]

Ég held þetta sé ekki rétt skilið hjá þér. Margrét Tryggvadóttir er bara svo pen og orðprúð. Eins og íslenskum konum er uppálagt að vera. Birgitta hefði orðað þetta öðruvísi.

Ef ekkert nýtt var kynnt þá var þetta ónýtt, að tala saman er ekkert nýtt. Andrúmsloft skiptir ekki máli á meðan andrúmsloftið á heimilum landsins er ógn og ótti. Kannski er Margrét hérna aðallega að lýsa ömurlegu ástandi á Alþingi.

[Ben.Ax. (Benedikt Jóhannes Axelsson), 13.10.2010 kl. 12:24]

Ég var spurður í gær hvort Þór Saari væri ekki örugglega Þórsari.