Frábær nýjung við stærðfræðikennslu

Ert þú í einhverjum vandræðum með stærðfræðinámið þitt eða veistu af einhverjum sem þyrfti kannski smávægilega aðstoð til að fljúga í gegn um prófin sín? Ef svo er ættir þú að lesa þessa færslu til enda. Hér er fjallað um stórmerkilega nýjung, sem mun nýtast mörgum vel.

Eitt af þeim fyrirtækjum sem hreiðrað hafa um sig á Ásbrú í Reykjanesbæ heitir Algebra.is og eins og nafnið gefur til kynna sérhæfir fyrirtækið sig í stærðfræðikennslu og hefur sú þjónusta verið all mikið notuð, einkum af Suðurnesjabúum í námi. Grunnskólanemum, framhaldsskólanemum og lengra komnum í námi.

En nú hefur fyrirtækið aldeilis stækkað sitt markaðssvæði með einföldum snjöllum tölvulausnum, þannig að nú geta allir nýtt sér þjónustuna, hvar sem þeir eru staddir á landinu, eða í heiminum þess vegna.

Nemandinn situr bara við tölvuna sína á höfuðborgarsvæðinu, á Kópaskeri eða í Kalkútta á Indlandi og fær þessa fínu kennslu í stærðfræðinni, lifandi á skjánum! Aðeins þarf að hafa Skype og það má nálgast að kostnaðarlausu á heimasíðu Algebru.is.

Þessi fjarkennslulausn er byltingarkennd nýjung og eftir því sem best er vitað er hún einsdæmi hérlendis. Kannski í heiminum öllum?

Kynntu þér málið nánar með því að heimsækja síðu Algebru.is og spilaðu þar You Tube myndbandið, auk þess að lesa þér til um starfsemina, en slóðin er þessi:

http://algebra.is