Vann ráðherrann aðeins fyrir þau 30% sem elska að hata alla hina?

"Þess var þó alltaf vel gætt að hópurinn yrði aldrei stærri en svo að það ógnaði því að Samfylkingin fengi því framgengt að sótt yrði um aðild" skrifar Einar Kristinn Guðfinnsson óbreyttur þingmaður í fýlu.

Það er hreinlega pínlegt að lesa skrifin hans Einars Kristins um pólitíska andstæðinga Sjálfstæðisflokksins. Fátt annað en barnalegar samsæriskenningar, hatursfullar ásakanir um svik við eigin málstað og gott ef ekki við þjóðina í heild. Þessi skrif kokgleypa svo öfgasinnaðir hægri menn, á meðan allt venjulegt fólk hlær sig máttlaust yfir barnaskapnum.

Var þessi maður ráðherra? Var hann sem slíkur að vinna fyrir þau 70% sem hann fyrirlítur, eða aðeins þau 30% sem elska að hata alla hina?

Einar Kristinn er alveg dæmigert minnismerki um þann tíma í stjórnmálum landsins sem allir vilja gleyma og jarða. Þann tíma sem nánast var skylda allra að tala stöðugt niður til andstæðinga sinna, nákvæmlega sama hvað þeir voru að gera. Gott eða vont.

Tveir menn standa öðrum framar í þessari fornaldariðju nú. Það er auðvitað nefndur Einar Kristinn og Davíð Oddsson, ritstjóri Morgunblaðsins.

Hvernig væri að þeir kumpánarnir beindu sjónum sínum aðeins inn á við til tilbreytingar. Færu að huga að uppgjöri síns flokks við fortíðina. Færu að huga að hugsanlegum klofningi flokksins þegar ESB sinnum, sem þeir reyndu hreinlega að sturta niður, fer að fjölga í flokknum og raddir þeirra að verða háværari. Af nægum tiltektarefnum er að taka á þeim bænum.

Er kannski alltaf best að fá útrás við að sparka í annað fólk til að fela allt drullumallið heima fyrir?

 

Segir VG vera ESB-flokk

Athugasemdir

[Hulda (IP-tala skráð) 21.11.2010 kl. 18:05]

Það má segja að sá sem er fullur af skít hafi engu öðru til að dreifa. Eða kannski má maður ekki segja svona.

[Björn Birgisson, 21.11.2010 kl. 18:16]

Hulda, vitaskuld máttu segja svona. Ályktun þín er bara rökrétt.