Kaffihúsið Bryggjan með stórgóða dagskrá

 

• Sannkölluð menningarveisla verður á kaffihúsinu Bryggjunni við Grindavíkurhöfn næstu daga. Þriðjudagskvöldið 7. des verður bókmenntakvöldið Kertaljós og klæðin rauð. Miðvikudagsmorgun verður forstjóri Þorbjarnar hf. milliliðalaust í spjalli við gesti og miðvikudagskvöld kemur landsþekktur rithöfundur og einn ástsælasti leikari þjóðarinnar í heimsókn ásamt tónlistarfólki. Næsta laugardagskvöld verður svo bítlakvöld.

Þriðjudaginn 7. des. kl. 21:00
Yrsa Sigurðardóttir les úr nýútkominni bók sinni ,,Ég man þig" en Yrsa er orðin einn vinsælasti höfundur landsins.

Þórhallur Jósepsson fyrrv. fréttamaður á RÚV lest úr bók sinni ,,Árni Matt - frá bankahruni til byltingar" en þetta er saga fyrrverndi fjármálaráðherra, Árna Mathiesen.

Berta Dröfn Ómarsdóttir syngur jólalög og Örvar Ingi Jóhannesson leikur undir á píanó.

Miðvikudaginn 8. des.
kl. 9.00 að morgni: Eiríkur Tómasson forstjóri Þorbjarnar hf. milliliðalaust á spjalli við gesti Bryggjunnar.

Kl. 21:00 Bókmenna- og tónlistarkvöld 
Skáldkonan Sigurbjörg Þrastardóttir les úr nýrri bók sinni Brúður, en Sigurbjörg var tilnefnd til verðlauna Norðurlandaráðs fyrir síðustu bók sína.

Gunnar Eyjólfsson stórleikari les úr ævisögu sinni, sem Árni Bergmann rithöfundur skráði. Bókin heitir Alvara leiksins - Gunnar Eyjólfsson.

Laugardaginn 11. des. kl. 21:00
Bítlalög á Bryggjunni. Grímseyingarnir frá Ásgarði flytja. Einar, Eiríkur og Sigurbjörn Dagbjartssynir, Dagbjartur sonur Einars og Garðar frændi þeirra úr Grímsey. Markaðsstjóri bandsins er Jón Gauti Dagbjartsson.

Frá því að þetta skemmtilega og sjarmerandi kaffihús, Bryggjan, hóf starfsemi við Grindavíkurhöfn, hefur mikill metnaður verið lagður í dagskrána, auk þess sem veitingar þar eru þrælgóðar og á fínu verði. Aðsókn hefur verið með ágætum og því vissara að mæta tímanlega!