Meirihlutinn hefur ævinlega rangt fyrir sér. Nokkur gullkorn af stjórnmálasviðinu.

Það er ekki úr vegi, nú þegar pólitíkin er að eyðileggja allt það besta í fari þessarar þjóðar, að líta á nokkur gullkorn sem sögð hafa verið um stjórnmálamenn heimsins eða af þeim sjálfum.

Sumir segja að ríkisstjórnin sé að falla, aðrir telja að hún lafi eitthvað áfram. Ef hún á að lifa öllu lengur þurfa VG liðar að sýna að þeir séu samstarfshæfir. Ef stjórnin ætlar að hökta áfram í sama takti og undanfarið, er líklega best að hún skili keflinu.

Lítum á nokkra gullmola:

Í stjórnmálum er heimskan ekki talin nein fyrirstaða.

- Napóleon

Stjórnmálaflokkur er eins og hakkavél, gerir allt og alla að einum graut.

- Henrik Ibsen 

Stjórnmálamaður er sá sem heldur trúnaði fólks við sig með því að beina reiði þess að öðrum.

- Ók. höf.

Stjórnmál eru alltof alvarleg mál til þess að stjórnmálamönnum einum sé trúandi fyrir þeim.

- De Gaulle

Í stjórnmálum verður sannleikurinn að bíða uns einhver þarf á honum að halda.

- Björnstjerne Björnsson

Kjóstu þann sem fæstu lofar, hann svíkur minnst.

- R.W. Emerson

Íhaldsmaður er maður sem stendur föstum fótum í lausu lofti.

- Franklin D. Roosevelt

Það er mannlegt að skjátlast. En að skjátlast og kenna öðrum um það. Það eru stjórnmál.

- Ók. höf.

Vísindamennirnir leggja hart að sér til að gera hið ómögulega mögulegt. Stjórnmálamennirnir leggja hart að sér til að gera hið mögulega ómögulegt.

- Bertrand Russell

Stjórnmálamaður er eins og kvikasilfur. Reynir þú að góma hann kemstu að raun um að það er ekkert undir gómunum.

- A.O. Malley

Þegar stjórnmálamaður segir "við erum á sama báti" skaltu vara þig. Það þýðir að hann ætlar að taka að sér skipsstjórnina og þú verður að róa.

- Johannes Hohlenberg

Raunverulegt viðfangsefni stjórnmálamanna er að gera kjósendur ánægða, án þess að uppfylla óskir þeirra.

- Ók. höf.

Minnihlutinn kann að hafa rétt fyrir sér, en meirihlutinn hefur ævinlega rangt fyrir sér.

- Henrik Ibsen

Íhaldssamur maður er maður sem situr og hugsar, situr aðallega.

- Woodrow Wilson

Ég býð andstæðingum mínum samning. Ef þeir hætta að segja ósannindi um okkur skulum við hætta að segja sannleikann um þá.

- Adlai Stevenson

(Endurbirt, breytt og aukið)

Athugasemdir

[Jóhannes Laxdal Baldvinsson, 15.1.2011 kl. 17:49]

Er þetta nokkuð úr nýju bókinni hans Hannesar Skólpsveins?

[Björn Birgisson, 15.1.2011 kl. 18:12]

Neibb!