Hefðbundin lygaþvæla í uppsiglingu samkvæmt hefðinni sem aldrei rofnar

"Alls sóttu 38 um fjögur embætti skrifstofustjóra í innanríkisráðuneytinu sem auglýst voru laus til umsóknar 23. desember síðastliðinn. Verið er að vinna úr umsóknunum."

Fjögur embætti auglýst á einu bretti! Það gerist ekki á hverjum degi.

Nú þarf Ögmundur að koma fram í fjölmiðlum og sannfæra þjóðina um að eingöngu verði "faglega" staðið að ráðningunum. Pólitík muni engu ráða um þær. Nú séu nýir tímar. Betri tímar.

Rétt eins og allir ráðherrar hafa gert svo langt sem ég man aftur í tímann.

Svo er alltaf ráðið eftir pólitík. Alltaf. Ekki bara stundum. Alltaf.

Allir dómarar skipaðir pólitískt. Öll önnur embætti veitt  á sama hátt. Ekki bara sum.

Öll.

Alltaf.

En Ögmundur þarf auðvitað að koma í fjölmiðlana með hefðbundnu lygaþvæluna eins og allir fyrirrennarar hans á ráðherrastólum Íslands hafa gert. Þvælan sú er löngu orðin að hefð.

Í þeirri veiku von að kannski trúi honum einhver innan eigin fjölskyldu, sem er ekki líklegt.

Ekki mun þjóðin trúa honum.

Svo mikið er víst.

 

38 umsóknir um fjögur embætti skrifstofustjóra

Athugasemdir

[Guðmundur Júlíusson, 28.1.2011 kl. 22:56]

Já, þetta er og er búinn að vera landlægt á þessu landi, sérhagsmunapot og vinavænt pólítískt umhverfi þar sem að vinum og samflokksmönnum er potað í störfinn þrátt fyrir að aðrir hæfari eru  á listanum.

Er ekki  kominn tími til  að láta af svona sóðaskap og leyfa þeim er hæfastir eru að fá hlutverkinn??? 

[Björn Birgisson, 28.1.2011 kl. 23:04]

"Er ekki  kominn tími til  að láta af svona sóðaskap og leyfa þeim er hæfastir eru að fá hlutverkin???"

Það verður aldrei.

[Guðmundur Júlíusson, 28.1.2011 kl. 23:10]

Af hverju Björn?, trúir þú ekki  á að í framtíðinni muniu pólítíkinn breytast?

Sérstaklega núna þegar að að  öll spjót beinast að stjórnmálamfólki? 

[Björn Birgisson, 28.1.2011 kl. 23:18]

Minn ágæti Guðmundur, ég hef heyrt þennan söng síðan ég opnaði eyrun og fór að fylgjast með þjóðmálum. Senn hallar í áttrætt hjá mér, en tónfallið er alltaf hið sama. Algjört gegnsæi og fagmennska. Svo kemur bara pólitíska fúskið. Sama gamla platan. Getur þú ekki breytt þessu, æskublóminn sjálfur?

Skál, vinur!

[Guðmundur Júlíusson, 29.1.2011 kl. 00:10]

Alveg er það makalaust hve margir vilja skála við mig í sífellu, mætti halda að ég væri að drekka áfenga drykki! sem er ekki raunin!!

[Björn Birgisson, 29.1.2011 kl. 00:29]

Ekki raunin? Það var verra. Þá helga ég þér bara einn sopa af rauðvíninu mínu! Mon ami!

[Guðmundur Júlíusson, 29.1.2011 kl. 01:15]

Marques de Riskal, giska á að þú sért að drekka það!

[Björn Birgisson, 29.1.2011 kl. 01:42]

Ekki er það nú svo Guðmundur minn, við verkamennirnir í aldingarði drottins, drekkum ódýrari veigar. Held að rauðvínið mitt sé það sama og Kristur bauð upp á í síðustu kvöldmáltíðinni. Það stendur eitthvað muskukennt á flöskunni, á arabiskri hebresku, að ég held. Var að reyna að þýða textann og sýndist hann vera svona: Krosshengilmænur, munið að detoxa fyrir fyrir lokadaginn. Það er svo mikilvægt að lúkka vel í augum áhorfenda. Pine Cross DETOX. Kannast þú við þessa tegund?

[Jón Óskarsson (IP-tala skráð) 29.1.2011 kl. 02:28]

Maður hlýtur að gera þá kröfu til Ögmundar að hann skipi einungis Vinstri grænt fólk í þessi embætti.

Það sárvantar mótvægi við sjálfstæðis- og framsóknarmennina í  stjórnsýslunni. 

Ögmundur. Ekki vera smeykari forverarnir.

[Björn Birgisson, 29.1.2011 kl. 02:31]

Farðu nú að sofa Nonni minn!