Nú er hafin hefðbundin slátrun hægri manna á andstæðingum sínum

"Skattbyrði heimila hækkaði um eitt prósentustig á milli áranna 2008 og 2009 og var skattbyrðin síðara árið svipuð og hún var árið 2006."

Við lestur þessar fréttar skellihló ég svo að Ingibjörg kom hlaupandi og spurði hvort ekki væri í lagi með mig! Ég sagði það ekki vera frekar en fyrri daginn!

Skattarnir? Já, skattarnir. Sem allt eru að drepa í dróma. Eða þannig.

Hægri bloggarar hér hafa skrifað sig kengvitlausa og æpt sig hása vegna skattastefnu stjórnar Jóhönnu, þar sem hún er af veikum mætti að reyna að fylla upp í göt fyrirrennara sinna, sem öllu sólunduðu og skildu eftir sig algjörlega sviðinn svörðinn og galtóman ríkissjóðinn. Sannir fagmenn fjármagnsins. Þeir einu hérlendis sem treystandi er fyrir fjármunum annars fólks!

Þessir ágætu herrar skilja ekki að stjórnmál snúast ekki um % í skattheimtu. Þau snúast um allt annað. Þeir hafa kosið að láta stjórnmál snúast um hatur og mannfyrirlitningu og sækja því innblásturinn aftur fyrir miðja síðustu öld, til vafasamra ofstækismanna. Þeir um það. Þeirra er skömmin.

Er ekki skattbyrðin hérlendis allt að drepa?

Ekki segja vísindamennirnir. Ekki segir Mogginn það í þessari frétt!

Hvað gera ofstækisfullir bændur þá, trúir ofstækinu sem þeir hafa tamið sér?

Reyna auðvitað að taka vísindamennina af lífi í umræðunni.

Þeir eru svo vitlausir og hollir undir annarlegar skoðanir! Skoðanir sem ber að uppræta!

Þá er bara að taka öfgafullu þjóðernisstefnuna frá fyrri öld og Rauðu Khmerana á þetta!

Sé að sú slátrun er þegar hafin í bloggheimum.

Vísindamenn eru að flýja til fjalla!

Skattbyrði hækkaði milli 2008 og 2009

Athugasemdir

[TómasHa, 30.1.2011 kl. 20:31]

Auðvitað lækkaði skattbyrðin um leið og tekjur fólks drógust saman, á sama hátt og þær jukust þegar tekjur hækkuðu.

Það sem er verra er að um leið og laun hafa hækkað hefur skattlagning aukist og þrátt fyrir lægri tekjur er fólk að greiða meira í skatta.

[Björn Birgisson, 30.1.2011 kl. 20:35]

Þakka þér, TómasHa. Þakka þér innlitið.

[Matthías (IP-tala skráð) 30.1.2011 kl. 21:36]

Ég hef upp á krónu sömu mánaðarlaun nú í janúar og í desember í fyrra og skattgreiðslur mínar lækka, að vísu bara um 100 kr en lækka samt!

[Sveinn Úlfarsson (IP-tala skráð) 30.1.2011 kl. 22:13]

Hvers konar endemis bull er þetta Björn allir skattar hafa hækkað í valdatíð þessarar stjórnar og að auki verið fundnir upp nýir skattar, þetta er staðreynd en ekki vísindi né öfgar.

Það sem er að gerast og þú veist vel, er að krónunum fækkar í kassanum, þrátt fyrir hækkanir skatta vegna þess að skattstofnarnir hafa minnkað það mikið að hærri álögur ná ekki að fjölga krónunum í kassanum.

þetta er það sem Lilja Mósesdóttir kallar spíral stöðnunar með minnkandi hagvexti, kaupmætti og fjárfestingu sem afleiðingu.

[Björn Birgisson, 30.1.2011 kl. 22:14]

Matthías! Lækka? Vertu snöggur að eyða þessum 100 krónum til að vera virkilega með í samneyslunni!  

[Geir Ágústsson, 2.2.2011 kl. 10:00]

Reiknistofnun Stefáns Ólafssonar á ekki eftir að keyra sama Excel-skjal á árið 2010 þegar skattahækkanaþungi ríkisstjórnarinnar fór fyrir alvöru að vaxa.

Núverandi ríkisstjórn er að eyða meira en hún getur tekið inn með hóflegri skattlagningu. Það er á hennar ábyrgð en ekki á ábyrgð þarseinustu ríkisstjórnar. Ég veit ekki hvað á að taka mörg ár fyrir meðlimi í Samfylkingarsöfnuðinum að skilja það. 

[Helgi (IP-tala skráð) 2.2.2011 kl. 19:55]

Sæll.

Hvað er með bensínið? Dettur einhverjum heilvita manni í hug, nema þeim í fjármálaráðuneytinu, að sala bensíns muni aukast? Þetta er ekki flókið eins og Sveinn bendir á. Svo þegar við bætist að yfirvöld reyna að oddi og egg að koma í veg fyrir erlenda fjárfestingu er útkoman eins og margir finna og sjá. Hr. Björn B. rétt er rétt og það sem þú nefnir að ofan er þess lags að ekki er hægt að taka svona málflutning alvarlega. Viltu kannski ekki að þú sért tekinn alvarlega?

Matthías, gott að heyra að þú hefur heldur meira á milli handanna en þá áttu eftir að reyna að kaupa þér hitt og þetta eins og bensín/diesel á bílinn þinn, borga opinber gjöld, kaupa mat og fleira og fleira slíkt. Ef þú átt sparifé í banka eru innheimtir hærri skattar af vaxtatekjum þínum nú en áður. Þú dregur upp afar einlita mynd þó ég efist ekki um orð þín. Nú hefur það verra undir þessari ríkisstjórn, eins og allir aðrir hér, en ef hér væri ríkisstjórn sem fylgdi frjálshyggjustefnunni.