Að bjarga heiminum með hægri og skrifa undir lítilræðið með vinstri

"Fjármálaráðuneytið sendi í kvöld forseta Íslands Icesave-lagafrumvarpið sem Alþingi samþykkti fyrr í dag. Þetta kom fram í kvöldfréttum RÚV."

Til Bessastaða? Var bjargvættur alheims bara heima við? Kannski í kakó hjá Dorrit?

Skemmtileg tilviljun. Ég hélt að hann væri aðallega í útlöndum að bjarga heiminum!

Þá getur hann auðveldlega skrifað undir á morgun, en það mun hann ekki gera.

Hann dregur það í nokkra daga til að magna spennuna og draga að sér athyglina.

Hann er þannig maður.

Svo skrifar hann undir þegar honum hentar og þegar hann telur sig ná mestri fjölmiðlaathygli.

Hann er þannig maður.

Verður stórgaman að fylgjast með þegar hann gerir þjóðinni grein fyrir að mótmæla undirskriftirnar frá almenningi eigi ekki við að þessu sinni!

Forsetinn fékk frumvarpið í kvöld

Athugasemdir

[Axel Jóhann Hallgrímsson, 17.2.2011 kl. 00:06]

Svona svona

[Björn Birgisson, 17.2.2011 kl. 00:08]

Axel Jóhann! Hver kenndi þér að segja svona?

[Ómar Geirsson, 17.2.2011 kl. 00:30]

Björn, þá fyrst verður gaman fyrir okkur óvitana (alls ekki að telja þig í þeim hópi) sem göngum um með eldspýtur.

Tel samt að Ólafur kjósi friðinn.

Kveðja að austan.

[Björn Birgisson, 17.2.2011 kl. 00:44]

Ómar, takk fyrir innlitið. Hvernig mun Ólafur Ragnar kjósa "friðinn"?

Hver er friðurinn og hvar liggur hann?

[Ómar Geirsson, 17.2.2011 kl. 00:57]

Björn, var að fara að slökkva á tölvunni eftir smá fikt með eldspýtur.

Ætli Ólafur kjósi ekki friðinn með því að slökkva bálið.  Sé ekki að hann geti gert það á neinn annan hátt en að standa við fyrri ákvörðun um þjóðaratkvæði.  

En hvort hann hugsi svoleiðis, það er annað mál.  

En ef þitt mat er rétt á honum, sem ég ætla svo sem ekki að draga í efa, hef ekki forsendur til þess, þá veit hans hégómi að löngu eftir að ICEsave er fyrnt í minningunni, að þá verður nafn hans skráð í sögubækur sem forsetinn sem mótaði nýja stjórnskipan, að þjóðin hefði síðasta orðið í umdeildum málum.

Ég held að það vegi þungt, burtséð frá öllum hitanum.  Eins finnst mér ólíklegt að hann láti Jón Steinar stela frá sér glæpnum.

En þetta er náttúrulega allt saman getgátur.  En mér leiðist allavega ekki.  Verst að löppin er göngufær þannig að ég ætla láta hana ráða för næstu daga, læt íhaldið um skammirnar.

En gaman að fá þig aftur í Netheima.

Kveðja, Ómar.

[Sævar Einarsson, 17.2.2011 kl. 01:08]

http://lol.is/?skoda=10724 þetta segir allt sem segja þarf.

[Jóhann Jóels (IP-tala skráð) 17.2.2011 kl. 01:20]

Þú hlýtur að skíta peningum..nógu ákafur ertu að borga þetta allavega! :)

[Björn Birgisson, 17.2.2011 kl. 01:26]

Ómar, ég þakka þér góð orð. Held samt að Netheimar þurfi ekkert á mér að halda, en ég hef gaman af þessu þvaðri og held því kannski eitthvað áfram. Svo tölum við um fætur á fólki, en lappir á dýrum. Þú ert fólk, reyndar bara í eintölu, þótt margra manna maki kunnir að vera!

[Björn Birgisson, 17.2.2011 kl. 01:28]

Borga hvað, Jóhann Jóels?

[Björn Birgisson, 17.2.2011 kl. 01:29]

Sævarinn, takk fyrir innlitið!

[Ómar Geirsson, 17.2.2011 kl. 06:53]

Góðan daginn Björn.

Kvekendið hefur heitið löpp hjá mér í mörg ár.

IP tölur þínar segja dálitið til um hitt.

Kveðja að austan.

[Bergljót Gunnarsdóttir, 17.2.2011 kl. 07:57]

Ég segi nú eins og Axel svona, svona og bæti svo við einu svona. :-)

Við skulum bara vona að málið fái farsæla afgreiðslu, þessa einu sem við getum sætt okkur við.

[Númi (IP-tala skráð) 17.2.2011 kl. 08:46]

Björn Birgisson,í pistli no 9 spyr þú ''borga hvað,, þessi orð þín koma upp um fáfræði þína .

[Björn Birgisson, 17.2.2011 kl. 16:19]

Þakka innlitin!

Númi, þakka þér fyrir að minna mig á fáfræði mína, get ekki verið meira sammála. Sem betur fer er ég ekki einn í Fáfræðiflokknum!

Bergljót, forsetinn mun skrifa undir lögin, sannaðu til.

Ómar, IP tölur mínar?

[Ómar Geirsson, 17.2.2011 kl. 19:44]

Jamm, Ip tölurnar hreyfast ekki af sjálfur sér.

Kveðja að austan.

[Björn Birgisson, 17.2.2011 kl. 19:56]

Ómar, skil, var bara ekki að kveikja!