Stjórnlaganefndin hefji störf sem fyrst

Tveir kostir eru til skoðunar. Þeir eru annars vegar að fram fari fram ný kosning til Stjórnlagaþings með sömu frambjóðendum og hins vegar að þeir 25 sem náðu kjöri myndi ráðgefandi hóp sem skili tillögum til Alþingis.

Þetta er engin spurning. Við gerum hinum pólitíska Hæstarétti það ekki til geðs að kjósa aftur. Kosningin er afstaðin og fulltrúarnir 25 eru klárir í slaginn. Þeir eru nákvæmlega jafn ráðgefandi nú og fyrir dóminn heimskulega.

Ekkert annað að gera en að kalla hópinn saman, hella upp á könnuna og hefja starfið!

Óákveðið með stjórnlagaþing

Athugasemdir

[Axel Jóhann Hallgrímsson, 24.2.2011 kl. 10:52]

Eigum við að hundsa lögin og fara þannig niður á lægsta planið, til Hæstaréttar? Það er félagsskapur sem mér hugnast ekki.

[Björn Birgisson, 24.2.2011 kl. 11:03]

Hvaða lög?

[Axel Jóhann Hallgrímsson, 24.2.2011 kl. 11:16]

Það hlýtur að vera, eðli máls samkvæmt, að vera á svig við lög að hafa úrskurð Hæstaréttar að engu, þótt rangur sé að einhverra mati.  Í öllum málum eru gagnstæðir pólar, hvor þeirra á að ákveða hvenær dómur Hæstaréttar er "réttur" og hvenær ekki? Ég tel niðurstöðu Hæstaréttar ranga, en ég hef hvorki vald né vilja að hafa hann að engu og þar við situr.

[Garðar Garðarsson (IP-tala skráð) 24.2.2011 kl. 12:04]

Það eru engin lög sem banna Alþingi að skipa 25 manna hóp sem gerir tillögur að stjórnarskrá sem borin verður undir þjóðina. Og það er ekkert sem bannar þá sanngirni að það verði þeir 25 sem voru kosnir til stjórnlagaþings. Ef ekki fæst skýr meirihluti á þingi fyrir því að skipa þessa 25 þá væri mjög gott að gefa þjóðinni færi á að samþykkja eða hafna þessum 25 í kosningu um leið og kosið verður um Icesave-samninginn, sem myndi einfalda málið gagnvart hæstarétti og styrkja niðurstöðu Alþingis ef þjóðin samþykkir. Ef þjóðin samþykkir þessa 25 þá er ekki hægt að draga umboð þeirra í efa.

[Doddi (IP-tala skráð) 24.2.2011 kl. 16:37]

Það er óneitanlega mikill veikleiki við stjórnlagaþing, að Hæstiréttur hefur dæmt kosninguna ólögmæta. Alveg sama þó manni finnist dómurinn vera algjört rugl.

Er ekki best að slá tvær flugur í einu höggi og kjósa um stjórnlagaþing á sama tíma og Icesave?

Þegar Svisslendingar kjósa, þá er kosið um fjölda mála í sömu kosningum. Við hljótum að ráða við tvö mál.

[Axel Jóhann Hallgrímsson, 24.2.2011 kl. 17:01]

Þá er búið að slá nýjar kosningar af og útlit fyrir að þeir sem kosnir voru í ógildu kosningunum verði af Alþingi skipaðir í einhverja grín nefnd sem enginn ætlar að taka mark á. Til þess er kannski leikurinn gerður eftir allt saman. Það er eins og þessari ríkisstjórn sé fyrirmunað að marka sína leið annarstaðar en út í karga-þýfi.

[Björn Birgisson, 24.2.2011 kl. 18:49]

Lausn málsins er mér mjög að skapi. Geri fastlega ráð fyrir að Hæstiréttur fagni henni með kampavíni úr Bermúdaskál!

[Axel Jóhann Hallgrímsson, 24.2.2011 kl. 19:31]

Þú meinar  Bemmrútaskaál-----hic!

[Björn Birgisson, 24.2.2011 kl. 19:33]