Það er alveg 17.900 króna virði að kaupa sig frá þessari óværu!

Ég var 17 ára þegar sjónvarpið tók að sjást á Ísafirði og hafði lifað ágætu lífi til þess tíma. Með villiköttum, skipasmiðum, slátrurum, fáeinum vinum, en aðallega með sjálfum mér.

Reyndar var yfirleittt svo mikið að gera að dagurinn dugði ekki, þótt hann væri teygður til miðnættis eða lengur.

Hægt og bítandi tók sjónvarpið yfir.

Maður hætti að lesa bækur, hætti ýmsu. Fór bara að glápa.

Nú er Sjónvarpið blessunarlega svo lélegt að varla er horfandi á neitt. Bóklestur er nú í hávegum hafður, sem og skrif á Facebook.

Það er alveg 17.900 króna virði að kaupa sig frá þessari óværu!

Athugasemdir

[Guðmundur Júlíusson, 18.9.2011 kl. 01:28]

Algerlega sammála þér í öllu nema þessu með Fésbókina, hún sú versta af  öllum bókum, og eru þær margar.

[Björn Birgisson, 18.9.2011 kl. 01:51]

Guðmundur, forðum daga ritaði ég margt hér á Moggabloggi. Fátt eitt nú. Nú fer öll mín þjóðfélagsumræða fram á Facebook. Var hér virkur í þrjú ár, mörgum til ama og leiðinda, en kem nú aðeins í heimsókn sem óvelkominn gestur á óvinalandi. Þú ert alltaf flottur! Mér þykir vænt um þig! 

[Guðmundur Júlíusson, 18.9.2011 kl. 02:12]

takk kæri vin, sömuleiðis. skil þó ekki hvað heillar við Facebook, eintómt kjaftæði um alls ekki neitt, (hæ er að borða sé þig á eftir, ) ( vá, var að horfa á æðislega flott sjó áðan, megaflott) (hæ, er svo saddur að ég er að drepast ma! )

[Björn Birgisson, 18.9.2011 kl. 02:36]

Síðan mín á FB er ekkert í anda þess sem þú lýsir. Þúsundir heimsækja mig daglega, fjölmargir heiðra mig með athugasemdum og vinir (traustir) eru að nálgast 1000. Ekki ástæða til að gera lítið úr því!

[Guðmundur Júlíusson, 18.9.2011 kl. 03:25]

Enda ekki að því, er að lýsa því sem ég hef upplifað á minni eigin FB siðu, sem ég  lokaði hið snarasta er ég sá hvert stefndi!!

[Guðmundur Júlíusson, 18.9.2011 kl. 03:30]

Ef ég nenni, hvernig kemst ég á síiðuna þína??

[Aðalsteinn Agnarsson, 18.9.2011 kl. 13:38]

Þið tveir furðufuglar, vakið þið á nóttunni þegar aðrir sofa?