Framsókn með skemmtiatriði aldarinnar?

Geðveik skemmtun á aðventunni!

Alltaf leggst nú eitthvað til, til að gleðja hjörtun og kitla hláturtaugarnar, sem er einstaklega vel þegið á þessum krepputímum!

Smalar smöluðu sauðum sínum á tvöfalt kjördæmisþing Framsóknar í Kraganum í dag.

Mundu bara að þú átt að kjósa mig! Þú þarft ekki að gera neitt annað!

Svo var kosið um fyrsta sætið. Willum fékk 152 atkvæði. Eygló fékk 147 atkvæði. Una fékk 25 atkvæði. Alls eru þetta 324 greidd atkvæði.

Að þeirri niðurstöðu fenginni hélt hluti sauðahjarðar Willums út í lífið, til innkaupa jólagjafa, eða bara til að leika jólasveina!

En það þurfti að kjósa aftur vegna 50% reglunnar, sem alfarið fór framhjá hluta sauðahjarðar Willums!

Þá hlaut Eygló 158 atkvæði. Willum fékk 136. Atkvæði alls voru 294, eða 30 færri en í fyrri umferðinni!

Eygló vann með 22ja atkvæða mun!

Aldrei fyrr í stjórnmálasögunni hefur nokkuð öruggt þingsæti tapast vegna jólagjafa innkaupa í Kringlunni eða jólasveinaleikja!

Ef þetta er ekki brandari ársins, hver skyldi hann þá vera?