Heimsmet í bensínstöðvum?

"Skeljungur hefur hækkað verð á bensínlítranum um 12 krónur og dísillítrann um sömu fjárhæð. Fyrr í dag hækkaði Olís bensín og dísil um 20 krónur lítrann."

Ég hef nokkrum sinnum tekið bíla á leigu erlendis. Oftar en ekki átti ég í mesta basli með að finna bensínstöðvar þegar fylla þurfti á tankinn.

Hér virðast mér vera bensínstöðvar nánast á öðru hverju horni. Í Gindavík, tæplega 3000 manna bæ, get ég keypt bensín á fjórum stöðum!

Einu sinni heyrði ég að Ísland ætti heimsmet í fjölda bensínstöðva miðað við mannfjölda, en sel það ekki dýrar en ég keypti.

Þarf ekki að endurskoða dreifingar og sölukerfi á bensíni og olíu hérlendis? Hvað hafa 320 þúsund hræður að gera með öll þessi félög, hvert um sig með sína miklu yfirbyggingu og mikla kostnað, sem vitaskuld er velt út í verðlagið.

Skeljungur hækkar einnig verð

Athugasemdir

[Ben.Ax. (Benedikt Jóhannes Axelsson), 21.6.2010 kl. 14:19]

Ég hef ekki keypt bensín á bensínstöð í mörg ár. Ég geri það í verslanamiðstöðvum olíufélaganna. Þar fæst allt milli himins og jarðar og er ég alltaf jafnhissa á því þegar ég ek í hlað að þar skuli enn vera bensíndæla.

[Björn Birgisson, 21.6.2010 kl. 14:27]

Góður punktur, Ben.Ax.!

[karmadis (IP-tala skráð) 21.6.2010 kl. 14:50]

Verlsanamiðstöðvum olíufélaganna?? Hvar eru þær?

[Gissur Jóhannesson (IP-tala skráð) 21.6.2010 kl. 15:32]

Er ekki bruðlið í verslunarrextri svona allstaðar hér á landi .Fyrir nokkrum árum heyrði ég að meðan íbúar í Gautaborg í Svíþjóð létu sér nægja 3 fermetra af skrifstofu og verslunar húsnæði á mann þá komust Íslendingar ekki af með minna en 30 fermetra á hvern mann.  

[Björn Birgisson, 21.6.2010 kl. 16:36]

Íslendingar eru alltaf langflottastir!