Ekki virðist staða Baldurs Guðlaugssonar skána

Ekki virðist staða Baldurs Guðlaugssonar, fyrrverandi ráðuneytisstjóra, skána eftir því sem vitnum fjölgar. Hann er sakaður um innherjasvik vegna sölu hlutabréfa í Landsbankanum, korteri fyrir hrunið. Upphæðin sem hér um ræðir er 192 milljónir.

Tryggvi Pálsson, forstöðumaður fjármálasviðs Seðlabankans, kom fyrir réttinn í morgun. Hann taldi sig ekki geta átt viðskipti með hlutabréf sín í íslensku bönkunum, þar sem hann sat í samráðshópi um fjármálastöðugleika og viðbúnað, og hafði þar komist yfir trúnaðarupplýsingar um slæma stöðu bankanna. Áður hafði Bolli Þór Bollason tjáð sig á svipuðum nótum. Baldur Guðlaugsson sat í sama samráðshópnum og í leikmanns augum virðist hann nú sitja í súpunni.

Ef marka má fréttir af þessum réttarhöldum yfir Baldri, þá virðist stefna í að dómaranum muni reynast það létt verk að kveða upp sinn úrskurð.

Eða hvað? Eru Jón og séra Jón jafnir fyrir lögunum?

Verði Baldur fundinn sekur í Héraðsdómi gæti hann átt hauka í horni í Hæstarétti.

Athugasemdir

[Númi (IP-tala skráð) 4.3.2011 kl. 12:45]

Tryggvi Pálsson hin saklausi aðstoðarmaður Finns Ingólfssonar er sem hvítbók. Já Björn það er vesen í kringum þessa Baldra.Baldur Hermannsson,er líka í klípu sá ofurpenni og pennadurtur,eða svo les maður.

[Björn Birgisson, 4.3.2011 kl. 13:08]

Já, Númi, það er leitt til þess að vita.