Íslandsmet í frekju og yfirgangi gagnvart stjórnmálakonu

Mogginn er ríkisstyrktur fréttamiðill

Hvernig má það vera að ríkisstyrktur fréttamiðill segi ekki frá þeim stórtíðindum að Samfylkingin mælist með 25,7% fylgi en Sjálfstæðisflokkurinn bara með 18,7% fylgi?

 

Mogginn hefði örugglega slegið þessu upp ef þessu hefði verið öfugt farið!

Það er ekki eyðandi einni krónu af almannafé í þennan skítasnepil.

Þar sem siðleysið rís hæst í þjóðfélaginu!

Opinber ásökun um morðtilraun

Páll Vilhjálmsson er kennari við Fjölbrautaskólann í Garðabæ og virðist eiga þar skjól sem mætti kalla pólitískt skjól.

Hann hefur nú opinberlega ásakað RÚV um að hafa skipulagt eiturbyrlun og morðtilraun á Páli Steingrímssyni skipstjóra í þeim tilgangi að komast yfir símann hans.

Páll Vilhjálmsson hefur áður verið í fréttum fyrir að ganga allt of langt í umfjöllunum um menn og málefni, en mér vitanlega hefur hann ekki fyrr gert tilraun til að stimpla fólk sem morðingja, en ekki hikað við að lýsa fólk geðveikt, síðast Helga Seljan vegna umfjöllunar um málefni Samherja.

Hann var um tíma talinn hafa fyrirgert starfi sínu við Fjölbrautaskóla Garðabæjar, en Kristinn Þorsteinsson skólameistari og skólanefnd skólans hafa ekki viljað reka manninn.

Skólameistarinn og skólanefndin virðast telja hann heilan á geðsmunum og hæfan til að vinna með nemendum, en allur þorri almennilegs fólks lítur það ekki sömu augum ef marka má umsagnir á samfélagsmiðlum.

Skólanefnd Fjölbrautaskólans í Garðabæ skipar þetta fólk:

Áslaug Hulda Jónsdóttir, formaður.

Frosti Logason, varaformaður

Kristín Soffía Þorsteinsdóttir

Sara Dögg Svanhildardóttir

Sigurjón Jónsson

Fríða Gylfadóttir, fulltrúi kennara

Helgi Már Herbertsson, fulltrúi nemenda

Hrefna Ævarsdóttir, fulltrúi foreldraráðs

Skólameistari er svo Kristinn Þorsteinsson, maður sem heldur pólitískum hlífiskildi yfir Páli Vilhjálmssyni - manninum sem hikar ekki við að saka einhverja ónafngreinda starfsmenn RÚV um tilraun til morðs.

Hvað um foreldra í Garðabæ?

Vilja þeir að svona maður hafi opinberlega aðgang að börnum þeirra og þiggi fyrir það laun af almannafé?

Er pólitíkin virkilega svona rotin í Garðabæ?

Botninun náð. Brynjar í kvöld, Bjarni í gærkvöldi. Siðblindan er algjör.

Flokkarnir sem hafa lýðskrumið að leiðarljósi komnir með 35,1% samanlagt fylgi samkvæmt nýrri könnun MMR.

Hvers vegna breytast að því er virðist heiðvirðir borgarar í villidýr fyrir kosningar?

Virkilega sérkennileg upplifun.

Að sjá hvernig dagfarsprúðir menn breytast í hálfgerð villidýr þegar líður að kosningum.

Hika ekki við að ljúga upp sökum á fólk og afneita algjörlega því að þeirra fólk hafi nokkru sinni gert neitt misjafnt.

Gott dæmi um það upplifði ég í gær.

Leyfði mér að nefna það að Bjarni Benediktsson væri tengdur slóð gjaldþrota og Eyþór Arnalds ætti skrautlega fjármálaslóð.

Var einfaldlega sagður ljúga því - þeir væru á engan hátt tengdir neinum gjaldþrotum og ferill þeirra í heimi fjármálanna væri algjörlega flekklaus!

Allt tal um annað væri bara rógur - og ég því sæmdur heitinu rógberi!

Varð vitaskuld nokkuð mikið hissa, því ég var aðeins að segja eitthvað sem alþjóð veit og hefur margsinnis verið rakið í fjölmiðlum!

Á sama tíma og þessir hamskiptingar lofa og prísa andlega leiðtoga lífs þeirra fyrir hreinleika og heiðarleika - þá ausa þeir þvílíkri drullu yfir meirihlutann í borginni að annað eins hefur ekki sést hér á landi áður!

Hef satt að segja ekki hugmyndaflug til að nefna eitthvað illt sem Dagur borgarstjóri á EKKI að hafa gert samkvæmt viðbjóðnum sem af þessum mönnum lekur.

Villimennskan og hatrið minnir einna helst á hatrið sem gjarnan er fylgifiskur hatramra trúarbragðadeilna.

Líklega má þakka fyrir að þessi nýja tegund villidýra hefur enn ekki gripið til vopna til að salla niður alla þá sem ekki deila með þeim trúarbrögðum.

Líkt og múslimar gera.

Fyrir þeim er mannslíf utan eigin trúarbragða ekki meira virði en líf engisprettu.

Taldi mig kannast við suma þessara manna og hafa kynnst þeim lítillega á góðum nótum.

En þegar þessi ofsi villidýrsins brýst fram í annars ágætu fólki verður maður áhyggjufullur.

Áhyggjufullur vegna þess að líklega er engin lækning til við þessum andskota.

Hef alltaf litið á stjórnmál sem leik þar sem heiðarleikinn skipti mestu máli, en undirróðurs og ofstopamenn hljóti að vera settir til hliðar þegar upp kemst um lundernið.

Kannski verður sú niðurstaða kosninganna í Reykjavík í vor.

Vonandi.

Valið virðist standa á milli hófsemi jafnaðarmennskunnar og þess haturs sem nærir siðlitla ofstopamenn í pólitíkinni.

Aumt er þetta! Líklega verða Sjallar í borginni nær 20% í fylgi en 30%!

Eyþór Arnalds, borgarstjóraefni Sjálfstæðisflokksins, kynnti nýlega kosningaloforð Sjálfstæðisflokksins fyrir komandi borgarstjórnarkosningar við lófaklapp á fjölmennum fundi í Iðnó. Fundargestir voru á fjórða hundrað talsins.

Um er að ræða sjö kosningaloforð sem boða grundvallarbreytingar í málaflokkum er snerta alla borgarbúa, eða svo segja Sjallar!

************

Kosningaloforð XD flokksins í Reykjavík:

• 2.000 íbúðir verði byggðar að jafnaði á ári á kjörtímabilinu.
• Óþarfi að lofa því, þetta er í gangi nú þegar!

***

• Ferðatími til og frá vinnu styttist um 20%.
• Skrítið loforð að færa umferðarhnútana til með fikti í umferðarljósunum!

***

• Fella niður fasteignaskatt á 70 ára og eldri.
• Ekki heimilt samkvæmt landslögum og miklir afslættir í gangi nú.

***

• Öll börn fái leikskólapláss við 18 mánaða aldur.
• Gott mál, meirihluti Dags hefur undirbúið þetta ágætlega!

***

• Svifryksmengun fari ekki yfir heilsuverndarmörk.
• Loforð sem ekki er hægt að standa við nema með samningi við veðurguðina!

***

• Reykjavík verði grænasta borg í Evrópu.
• Algjörlega útilokað að standa við þetta loforð, það sér hver maður!

***

• Styttum afgreiðslutíma í kerfinu um helming.
• Einmitt, Sjallar fá skjót svör, hinir bíða - það er fjórðungs stytting!

************

Metnaðurinn í þessum loforðum er nákvæmlega engin viðbót við það sem nú er í undirbúningi eða hreinlega í gangi!

Hvellsprungið kerfi lítils þjóðríkis

Gjörsamlega sprungið kerfi.

Allt hið fjárhagslega kerfi okkar sem þjóðríkis er sprungið.

Ástæður þess?

Óstjórn og eftirlátssemi.

Skoðum þetta aðeins út frá tekjum ríkissjóðs.

36,94% útsvars- tekjuskatturinn.

* Hér eru börn skattlögð (6%), einnig fólk sem alls ekki nær opinberum framfærsluviðmiðum. Slík skattlagning er ekkert annað en fáheyrð heimska - ef ekki glæpur gagnvart þessu fólki og Stjórnarskrárbrot. Lengra verður ekki gengið í þeirri svívirðilegu skattlagningu.

Millitekjufólkið, að 893,713 krónum á mánuði, borgar þennan skatt og vandséð er að hægt sé að leggja meira á þann hópinn, hópinn sem að mestu heldur þjóðfélaginu gangandi.

46,24% útsvars- og tekjuskatturinn.

* Hann er lagður á tekjur sem eru frá 893,713 krónum á mánuði og upp allan skalann.

Í þessum skattflokki er ofurlaunaliðið og mörgum finnst eðlilegt að leggja sérstakan hátekjuskatt á það.

Þar eru peningar sem hægt er að ná í til að efla samneysluna, en um slíkan skatt mun aldrei nást pólitísk samstaða. Hægri menn vilja ekki sjá slíkan aukaskatt lagðan á hina ríku.

Ríkið innheimtir einnig 20% tekjuskatt af fyrirtækjum, 22% skatt af fjármagnstekjum, auðlindagjald af útgerðinni, 11% og 24% virðisaukaskatt, bankaskatta, eldsneytisskatta, erfðafjárskatt, flugvallagjöld, tóbaks- og áfengisgjöld og fleira mætti tína til.

Hvernig getur hið opinbera fjármálakerfi sprungið með alla þessa skattheimtu?

Einfaldlega vegna þess að innkoman dugar ekki fyrir þeim útgjaldakröfum sem gerðar eru!

Allt það sem ríkið rekur er hreinlega í fjársvelti.

Lögreglan, heilbrigðiskerfið, landhelgisgæslan, skólakerfið, vegakerfið og öll hin kerfin.

Hvers vegna eru þá skattar ekki hækkaðir duglega?

Til þess eru ekki margar leiðir vel færar.

Hátekjuskattur?
Hækkað auðlindagjald?

Margir sjá möguleika í því - en Sjálfstæðisflokkurinn ekki og þar við situr.

Stjórnmálamenn halda uppi heimskulegu rifrildi um vegagjöld - jafn sjálfsögð og þau eru. Þar eru Hvalfjarðargöngin besti vitnisburðurinn um hve sjálfsögð slík gjöld eru.

Hvers vegna er þessi staða uppi?

Einfaldlega vegna þess að hér hefur ríkt óstjórn um langan tíma.

Stjórnmálamenn þora aldrei að segja nei - hingað og ekki lengra!

Þeir skilja ekki að þeirra hlutverk er líka að segja nei - með það fyrir augum að ríkið hafi efni á að reka það sem því ber með sóma.

Allt er látið eftir öllum!

Til dæmis borað í gegnum misfellur í landslaginu - ef einhver óskar eftir því!

Framansagt leiðir aðeins til einnar lokaályktunar.

Kerfið okkar er hvellsprungið!

Og lausnin er?

Þjóðnýting í stórum stíl - það er óþolandi að auðlindir landsins skapi aðeins fáeinum auð - en öðrum brauðmylsnu.

Auk þess legg ég til að frjálshyggjan verði lögð í rúst.

Blessuð séu gjaldþrot þessara manna og afleiddar raunir trúgjarnra

Blessunin að ofan.

Samkvæmt sjónvarpsstöðinni Omega var Eyþór Arnalds tilnefndur af almættinu og sendur í það verk að taka ærlega til hendinni í Reykjavík.

Eyþór hlustaði auðmjúkur á þá skýringu í sjónvarpsviðtali, brosti blíðlega í kampinn og kinkaði kolli.

Eyþór er ekkert óvanur því að taka til hendinni og hefur víða lagt hönd á plóg.

En því miður hefur það verið svo að einhvern veginn hafa verkin verið þeirrar leiðinda náttúru að steypast í gjaldþrot eitt af öðru.

Hér áður fyrr lagði frelsarinn mikli hendur yfir lamað fólk - sem tók alsælt á rás.

Einnig fengu blindir sýn - eða Sýn eins og Spaugstofan sagði forðum!

Eitthvað ólíkt eru þeir frelsararnir að hafast að.

Máttur annars læknar, eykur lífsgæðin - en máttur hins leiðir endurtekið til gjaldþrota og taps óskyldra aðila.

Skýringin á þessu er vandfundin og hennar líklega helst að leita með því að hafa sérstakan fyrirspurnatíma í kvöldbænunum.

**********

Ekki rekur mig minni til þess að Bjarni Benediktsson hafi nokkru sinni fengið blessun að ofan í gegn um sjálfskipaða ófleyga umboðsmenn almættisins á jörðu niðri.

En víst er að hann hefur komið í heiminn að nokkru leyti ekki ólíkt útbúinn og Eyþór.

Það liggur eitthvað sameiginlegt í genum beggja þessara forustumanna.

Hef lúmskan grun um hvað það er.

Gjaldþrotagenið.

**********

Báðir eru tiltölulega ungir að árum.

Fróðlegt væri að sjá hvor þeirra skilur eftir sig skrautlegri gjaldþrotaskrá þegar báðir hafa safnast til skapara síns og hið guðlega bókhald verið stemmt af.

Næ því miður ekki að lifa þá stund.

Fæ bara niðurstöðuna senda í tölvupósti í hlýjuna neðra.