Geta hryðjuverk ekki líka verið framin á fjármálasviðinu?

Skrumarar að leika sér. Íslendingar munu aldrei sækja neinar bætur vegna hryðjuverkalaganna, sama hve margar skýrslur verða ritaðar um málið.

Svo er önnur hlið á þessum skildingi. Hvað töpuðu erlendir aðilar mörg hundruð milljörðum í íslensku fjármálaparadísinni?

Þarf ekki að skrifa lærðar skýrslur um það?

Er kannski einhver bótaréttur þar líka?

Hvað með gjaldeyrishöftin?

Eru þau hryðjuverk gagnvart erlendum fjármagnseigendum?

Vill kanna bótarétt

Það er alveg 17.900 króna virði að kaupa sig frá þessari óværu!

Ég var 17 ára þegar sjónvarpið tók að sjást á Ísafirði og hafði lifað ágætu lífi til þess tíma. Með villiköttum, skipasmiðum, slátrurum, fáeinum vinum, en aðallega með sjálfum mér.

Reyndar var yfirleittt svo mikið að gera að dagurinn dugði ekki, þótt hann væri teygður til miðnættis eða lengur.

Hægt og bítandi tók sjónvarpið yfir.

Maður hætti að lesa bækur, hætti ýmsu. Fór bara að glápa.

Nú er Sjónvarpið blessunarlega svo lélegt að varla er horfandi á neitt. Bóklestur er nú í hávegum hafður, sem og skrif á Facebook.

Það er alveg 17.900 króna virði að kaupa sig frá þessari óværu!

Þrátt fyrir hetjulega baráttu bendir flest til þess að Fram falli úr deildinni. Það þýðir ekkert að sofa yfir sig í svona harðri keppni!

Þá er það 20. umferðin í Pepsí deildinni á morgun. Spáin tímanlega nú, þar sem þetta er svo augljóst! Í síðustu umferð voru bara tveir réttir hjá mínum, en í umferðinni þar á undan voru allir réttir, þar til Fylkir skoraði gegn Víkingi, eiginlega þegar leikurinn var búinn! Ekkert réttlæti í þessu lífi lengur!

X  ÍBV-KR
X  Grindavík-FH
2  Fylkir-Stjarnan
X  Breiðablik-Víkingur
1  Valur-Þór
X  Fram-Keflavík

Við getum auðvitað kosið, en hver andskotinn á að taka við? Gæfuleysið fellur að síðum stjórnarandstöðuflokkanna.

Hægri menn á Íslandi eru svo uppteknir við að fylgja Jóhönnu og Steingrími eftir með augum og eyrum, að þeir steingleyma að líta í aftursæti sín, að ekki sé nú talað um skottið.

Ástandið innan D og B (dánarbús) flokkanna er að verða nokkuð skrautlegt. Formennskan mun líklega ganga Bjarna úr greipum, enda hann ekki með pungapróf í stjórnmálum. Hann reyndi við pungaprófið í viðskiptum, en féll í munnlegum vafningum.

Við mun taka formaður án pungs, en all nokkra frekju og drjúgan skammt af hroka í farteskinu. Eftir sem áður mun pungsveittur dritstjórinn í Hádegismóum ráða öllum spottum í flokknum.

Slagurinn um varaformennskuna verður líka sögulegur, en enginn innvígður hefur enn leitt að því hugann, til þess skortir bæði framsýni og hugmyndaflug.

Framsókn er að molna innanfrá. Þar svamlar hver áhrifamaðurinn frá borði eftir annan og næsta víst að eftir standi fáeinir fjósamenn, með rekurnar á lofti, að sögn til að moka allan þann skítaflór sem sá flokkur hefur lagt drög að á löngum ferli, en virðist einhvern veginn vera að mestu horfinn, rétt eins og framsóknar gull Samvinnutrygginga og Sambandsins gufaði upp forðum.

Flórinn sá verður aldrei mokaður og verklausir fjósamenn munu styðja sig við rekur sínar eins og unglingar í atvinnubótavinnu bæjarfélaga. Aðeins til að þykjast vera með!

Best væri að loka skottlokinu vandlega og taka stefnuna á Sorpu eða næsta upptökuhæli fyrir vandræðafólk.

Besti flokkurinn mælist vel og gæti komið mjög sterkur út úr næstu Alþingiskosningum

‎20-25% fylgi við Besta flokkinn í næstu alþingiskosningum mun tryggja flokknum 15-18 þingsæti og þá er nánast pottþétt að hann verður einn þriggja stærstu flokka landsins.

Verði sú raunin mun gjörvallt hið pólitíska landslag stórbreytast og rofin verða stór skörð í múra fjórflokksins, við litla hrifningu innmúraðra og innvígðra.

Nú þurfum við sem aðhyllumst Besta flokkinn að setja okkur háleit markmið.

25% er lágmark, en hámark er ekkert!

Rúm 20% styðja Besta flokkinn

Hver á fjöldi þingmanna að vera?

Þá eru vinstri menn búnir að sigra naumlega í Danmörku.

Athyglisvert að á bak við hvern þingmann þar í landi reiknast vera um 30 þúsund kjósendur, en hér á landi eru aðeins um 5 þúsund kjósendur á bak við hvern þingmann.

Eru ekki þingmenn hér allt of margir?

Jú, jú segja kjósendur. Nei, nei segja flokkarnir!

Verðandi skipstjóri hefur engan pung

Sjálfstæðisstefnan er eins og þokkalegt skip sem sýnist fært í flestan sjó.

Gallinn er sá að skipstjórinn hefur ekki pungaprófið.

Verðandi skipstjóri hefur engan pung.

Enginn í áhöfninni kann til verka eða vélar og þaðan af síður að lesa á kort eða mælitæki skipsins.

Vélarvana rekur því fleyið í Zargosso hafi stjórnmálanna, á meðan áhöfnin rífst um einskisverð mál innbyrðis og við alla aðra líka.

Það fyndna er að áhöfnin hefur sótt um pláss á þjóðarskútunni til að fullkomna feigðarflan sitt.

Víkingasveitina inn á Alþingi til rýmingar!

Nú er farið að teygjast ískyggilega á Hálftíma hálfvitanna!

Getur ekki Víkingasveitin ráðist inn í þinghúsið og rýmt það?

Þjóðin þolir ekki meira af þessari andskotans dellu og vitleysu sem hluti stjórnarandstöðunnar stendur fyrir.

Sorglegt að sjá þokkalega gefið fólk yfirgefa alla skynsemi og taka upp svona hálfvitalega háttsemi.

Segja Steingrím og Jóhönnu stjórna þinginu

66% gegn 26%. Það er fjandi mikill munur. Eru þetta raunhæfar tölur?

Þessi 66% stuðningur við Hönnu Birnu gegn aðeins 26% stuðningi við Bjarna á meðal sjálfstæðisfólks kemur nokkuð á óvart.

Munurinn er svo mikill. Hvað gæti skýrt þennan mikla mun?

ESB hringlið í Bjarna? Kannski.

Aðallega hýtur þó fortíð Bjarna í viðskiptum á klikkunartímabilinu að vera að þvælast fyrir honum.

Ekki sé ég haldbetri skýringu.

Svo er kannski ekkert að marka þessa könnun.

Þær hafa margar verið nokkuð skrýtnar að undanförnu.

Hanna Birna nýtur mikils stuðnings

Snýr Davíð aftur eða er hann fullsaddur á pólitíkinni?

Nú er aldeilis að færast fjör í leikinn hjá Sjöllum. Spurningu um endurkomu Davíðs í formennsku flokksins var plantað í spurningavagn Capacent, væntanlega af hörðum stuðningsmönnum hans.

Spunameistarar segja að Samfylkingin hafi pantað þessa spurningu!

Hanna Birna er nýbúin að leka niðurstöðum svipaðrar könnunar í fjölmiðla, en þar var nafn Davíðs ekki valkostur.

Nú er búið að bæta úr því.

Bjarni Benediktsson er aldeilis að fá storminn í fangið þessa dagana!

Snýr Davíð aftur?