95,2% verða fyrir skammvinnum vonbrigðum

Ég vil hvetja alla til að taka þátt í kosningunum á morgun. Taka þannig þátt í þeirri viðleitni að gera Stjórnarskrána að þjóðarplaggi, en ekki einhverju einkaplaggi stjórnmálamannanna.

Svo verður landið bara eitt kjördæmi á morgun. Það er spennandi!

Ef þátttaka verður góð á morgun mun Alþingi eiga verulega erfitt með að hafna tillögum Stjórnlagaþingsins, en mig grunar að fáeinir þingmenn séu innra með sér ákveðnir í að gera einmitt það.

Þegar kjörstöðum verður lokað annað kvöld, einkum þó að lokinni talningu atkvæðanna, mun bitur staðreynd, sem reyndar liggur fyrir nú þegar, verða öllum lýðum ljós.

Sú staðreynd að 94% - 95,2% frambjóðendanna áhugasömu munu ekki ná kjöri. 25 eða 31 einstaklingur mun brosa ögn breiðar. Ég held að þeir verði 31.

En hafi þeir allir þakkir fyrir áhugann.

Ég tel að öll þessi framboð hafi og muni enn frekar auðga þjóðmálaumræðuna.

 

Athugasemdir

[Ben.Ax. (Benedikt Jóhannes Axelsson), 26.11.2010 kl. 16:00]

Lýðræðið er skringileg skepna. Ef allir Íslendingar hefðu boðið sig fram til stjórnlagaþings hefðu væntanlega allir fengið eitt atkvæði.

[Björn Birgisson, 26.11.2010 kl. 16:04]

Ben.Ax. Ekki ég. Ég hefði kosið þig!

[Axel Þór Kolbeinsson, 26.11.2010 kl. 16:14]

Ætli ég tali ekki fyrir alla frambjóðendur þegar ég segi á móti;  ekki þakka okkur, við þökkum ykkur.

Væmnin að fara með mig

[Björn Birgisson, 26.11.2010 kl. 16:17]

Axel Þór, það er fínt að vera svolítið væminn á föstudögum eftir klukkan fjögur! Áttu von á góðri kosningu þér til handa?

[Axel Þór Kolbeinsson, 26.11.2010 kl. 16:21]

Ég hreinlega bara veit það ekki.  Nánustu ættingjar og vinir, og svo fólk hér á suðurlandi svo ég viti.  Hvort það dugi mér inn verður að koma í ljós, en ég bind vonir við það að vera á nægilega mörgum seðlum sem aukaval til að það nái að safnast saman.

[Björn Birgisson, 26.11.2010 kl. 16:30]

Kemur í ljós, kemur í ljós! Gangi þér vel í baráttunni!

[Axel Þór Kolbeinsson, 26.11.2010 kl. 16:40]

Takk.

[hilmar jónsson, 26.11.2010 kl. 16:41]

Einhver frambjóðandi svaraði aðspurður um hvers vegna hann hefði boðið sig fram: Konan vildi þetta ..

Og áttu von á miklum stuðningi ? Svona, ja allavega konan og Ella frænka..

[Björn Birgisson, 26.11.2010 kl. 16:47]

Svo var það maðurinn sem skrapp á hverfispöbbann. Hvað ertu að þvælast einn hér? spurði barþjónninn. Konan vildi þetta ....... Konan, því í ósköpunum? Henni finnst svo gaman að skamma mig þegar ég kem fullur heim .......!

[Ben.Ax. (Benedikt Jóhannes Axelsson), 26.11.2010 kl. 17:02]

Kæri Björn. Þetta hefði ekki virkað því að ég hefði kosið þig.

[Björn Birgisson, 26.11.2010 kl. 17:06]

Atkvæði móttekið!