Flott hjá Þóri. Hann hefur hjálpað mörgu fólki við að heyra betur og þannig aukið lífsgæði þess. Það þola þeir illa sem telja sig sjálfskipaða og útvalda til þeirra verka. Verðskráin hjá Þóri er ein sú hófstilltasta í landinu.

"Góðan daginn eldri borgarar og aðrir íslendingar.
Ég las grein um mig í Fréttablaðinu rétt áðan, sem er að mestu rétt. Ég hef flutt inn heyrnatæki frá Kína o.fl. löndum (þetta eru nú bara örfá tæki) , en hettan sem fer inní eyrað er framleidd af Simens í Þýskalandi. Ég er eldri borgari sjálfur og umgengst oft á annað þúsund eldri borgara á viku í gegnum tafl og spil ofl. Ég gerði mér þá grein fyrir því að kjör eldri borgara eru það knöpp að margir hafa ekki efni á heyrnartækjum (sum á yfir hálfa milljón) TR tekur aðeins 60 – 70 þús. þátt. Þá fór ég að leita fyrir mér og þetta er niðurstaðan. Heyrnartæki sem magna hljóð, kuðung inní eyra og líka yfir eyra á kr. 28.865.-m/VSK. Ég er líka með tæki sem fólk hengir framan á sig og lítil heyrnartæki í eyrum og þarf þá ekki lengur að sitja á fremstu bekkjum í leikhúsi, fundum ofl. Ég skipti líka um batterí í úrum og hreinsa húðfitu af úrum, fyrir eldri borgara, það kostar kr. 1.000.-m/VSK. Hreinsa skartgripi, það kostar kr.500.-m/VSK pr.stk. , geri við prentara ofl. Þar kostar tíminn kr. 5,900,- m/VSK. Þetta kunna eldri borgarar að meta. Það er ekki rétt hjá heyrnar sérfræðingnum að þetta geti skaðað eyrun. Ekki frekar en heyrnartæki í flugvélum (seld í vélinni), ræktinni (seld á staðnum). Ætla þeir kannski að stoppa flug og heilsurækt? Það er mikið meira en helmingur eldri borgara, sem getur notað tækin frá mér. Þetta er aðlögun, þeir sem gefast upp á henni, gera það líka með dýru tækin. Það er ódýrara að liggja með 28 þús.kr.tæki í skúffunni heldur en dýru tækin! Læknir (eldri borgari) sagði að vel helmingur eldri borgara gætu notað þetta sem fyrstu tæki og í nokkur ár, hann hvatti okkur (ég er ekki sá eini sem flyt inn þessi tæki) að halda áfram með þetta. Hvað viðhald og tæknimál varðar þá er ég rafeindavirkjameistari og er fullfær um að leysa tæknimálin. Þá er 2ja ára ábyrgð á tækjunum (eins og landslög gera ráð fyrir).
Það er óþarfi fyrir heyrnartækja sérfræðinginn og/eða blaðamanninn að tala niður til Asíu landa. Stór hluti hátæknivara t.d. Samsung, Canon, Kia ofl. Koma þaðan, ekki síst Kína. Ég hef verið í Malasíu, Thælandi og Burma (Myamar) og fer að fara til Vietnam, Laos og Cambodíu. Á þessu svæði veraldar er mjög nákvæmt og gott fólk.
Eldri borgarar og aðrir. Ef ég get eitthvað gert fyrir ykkur, fyrir lítinn pening, hafið þá samband.
Kveðja.,
Þórir Gunnlaugsson
Rafeindavirkjameistari
Sími: 863 6565."

Algjörir snillingar símavinirnir Davíð og Geir! 35 milljarðar eru ekki nema hálfur glænýr Landspítali! Er ekki eitthvað um þetta fjallað í Morgunblaðinu?

"Íslenskir skattgreiðendur munu tapa ríflega 35 milljörðum króna á láninu sem Seðlabanki Íslands veitti Kaupþingi daginn örlagaríka 6. október 2008, þegar íslenska fjármálakerfið riðaði til falls og Alþingi samþykkti neyðarlög til að þess að bregðast við stöðu mála. Kaupþing fékk þá 500 milljónir evra að láni, eða sem nemur 76 milljörðum króna á núverandi gengi. Nú hefur endanlega verið staðfest að Seðlabanki Íslands mun ekki fá meira en 100 milljónir danskra króna, ríflega tvo milljarða króna, til baka til viðbótar við 1,9 milljarða danskra króna, um 40 milljarða króna, sem þegar höfðu skilað sér. Stefán Jóhann Stefánsson, ritstjóri Seðlabankans, staðfesti þetta við Kjarnann. „Þetta er vissulega minna en vonir stóðu til um,“ sagði Stefán Jóhann. Endurheimtur af 500 milljóna evra láninu verða því að hámarki 270 milljónir evra." - Kjarninn

Dýrkeyptar druslur

Mogginn fjallar lítið um Mjólkursamsöluhneykslið.
Örfá orð falin á innsíðum.
Hvers vegna skyldi það vera?
Gæti það verið vegna þess að Kaupfélag Skagfirðinga á dágóðan hlut í blaðinu?
Það er ritstjórans að ákveða um birtingu efnis.
Keyptir ritstjórar eiga erfitt með að fara gegn þeim sem keypt hafa skoðanir þeirra á útsölu vitleysunnar.
Þannig er Mogginn.
Ofurseldur eigendum sínum.
Múlbundinn.
Asni í taumi.
Ritstjórinn!
Hvað skal um hann segja?
Bara þetta.
Hann er dýrkeyptasti maður Íslandssögunnar frá stofnun lýðveldisins.
Drusla hrokans.
Drusla í afneitun.
Við hin vitum betur.
Allar efnahagstölur hrunsins staðfesta druslugang þessa manns.
Hann er ekkert annað en hlægilegur í núverandi stöðu.
Nú bíða hans digur eftirlaun frá þjóðinni sem hann rústaði.
Hlátur eða tár?
Mogginn var ágætur.
Nú er hlegið að honum.
Besta viðskiptatækifæri blaðsins er fólgið í því að skipta um ritstjóra.

Skattlagt til að mismuna þegnunum

Sótti ekki um lánaleiðréttingu á kostnað skattgreiðenda í þessu landi.
Vegna þeirrar einföldu staðreyndar að ég skulda ekkert núorðið.
Vegna þeirrar einföldu staðreyndar að minn forsendubrestur lá algjörlega óbættur hjá garði á árunum eftir 1980 í óðaverðbólgunni sem þá var.
Sá forsendubrestur var miklu alvarlegri og dýpri en 2008 hrunið!
Fengu skuldarar þá einhverja hjálp?
Nei, enga.
Borguðu og ...bitu bara á jaxlinn!
Er mjög hugsi yfir væntanlegum "leiðréttingum"!
Er algjörlega fastur á þeirri skoðun að þær standist ekki jafnræðisreglu stjórnarskrárinnar.
Hvernig í ósköpunun geta stjórnvöld "leiðrétt" lán sumra þegna sinna, en alls ekki annarra?
Leiðrétt í raun lán þeirra sem best hafa það í þjóðfélaginu!
Hvað með námslánin?
Skerða ekki stökkbreytt námslánin möguleika okkar unga fólks til að komast yfir það að eignast þak yfir höfuðið?
Hvers konar bull er þetta eiginlega?
Trúi Framsókn til alls. Hún gerir allt fyrir fylgið. Siðferði þess flokks er vel neðan við almennt viðurkennt siðferði í landinu.
En að Sjálfstæðisflokkurinn taki þátt í svona bulli og geri svona upp á milli fólks er mér óskiljanlegt.
Hélt að sá flokkur stæði ekki fyrir því að skattleggja til að mismuna þegnunum.
Sú mun vera raunin.
Það blasir við.
Framsókn er með Sjallana í vasanum.

Guð blessi Ísland!

Smellið á linkinn hér að neðan og yður munu opinberast hreint frábær tíðindi!

http://www.visir.is/kristileg-stjornmalasamtok-stofnud/article/2014140509680

Einn maður, eitt atkvæði, sama vægi

31. mai - kjördagur.
Eitt hafa kosningar til sveitarstjórna algjörlega framyfir kosningar til Alþingis.
Hvað skyldi það nú vera?
Svo augljóst.
Einn maður eitt atkvæði. 
Fullkomlega jafnt vægi atkvæða um land allt.
Ekki einhver uppdiktuð formúla sem gerir vægi atkvæða sumra meira en annarra.
Til dæmis er alveg ljóst að væri vægi atkvæða jafnt um land allt, væri samsetning Alþingis ekki með þeim hætti sem nú er.
Einhver sanngirni í því?
Sumum finnst það greinilega.
Ekki mér.

Þegar örverpin snúa neyð sinni og vanhæfni upp á aðra!

Hvað er atvinnurekstur?
Hvernig á að reka fyrirtæki?
Mér vitanlega með því að skila arði, vera réttu megin við núllið.
Allir reikningar greiddir, afborganir af lánum, öll laun greidd og þá standi eftir einhverjir aurar til vaxtar og viðhalds, ásamt því að möguleiki sé að greiða eigendum fyrirtækisins, hluthöfum, einhvern arð fyrir þeirra fjárfestingar.
Þetta er ekki flókið.
Sáraeinföld hagfræði sem allir ættu að geta skilið.
Fyrirtæki sem ekki standa undir þessu til langframa fara einfaldlega á hausinn!
Að því sögðu.
Því skyldu Vísismenn í Grindavík reka fiskvinnslur á Þingeyri, Djúpavogi og Húsavík ef þeir telja sig hafa fullvissu fyrir því að reksturinn sé ekki arðbær?
Myndi einhver vilja reka matvöruverslun í Súðavík eða á Raufarhöfn ef innkoman dygði aldrei fyrir útgjöldunum?
Nei, alveg örugglega ekki.
Af hverju þá öll þessi umræða um þá Vísismenn?
Ósköp einfalt að finna svarið við því.
Af því að þeir starfa í okkar elstu atvinnugrein, þeirri grein sem þorri þjóðarinnar botnar nánast ekkert í, undarlegt sem það nú er!
Hérlendis er það orðin viðtekin venja að rægja og sparka í útgerðarmenn við hvert tækifæri sem gefst.
Um 85% þjóðarinnar nánast fyrirlítur kvótakerfið, án þess í raun að botna neitt í því!
Kvótakerfið er skipulagt og ákveðið með lögum frá Alþingi.
Einstaka útgerðarmenn ráða litlu sem engu um það kerfi, en vissulega hafa samtök eins og LÍÚ mikil áhrif.
Rétt eins og Bændasamtökin hafa áhrif á stefnuna í landbúnaði.
Er eitthvað athugavert við það?
Hverjir eiga að koma að stefnumótun í greinum atvinnulífsins, ef ekki þeir sem best þekkja til, í samvinnu við aðra ráðgjafa og stjórnvöld hverju sinni?
Það er dapurleg staðreynd að þjóðin sé farin að fyrirlíta sina aðalatvinnuvegi - mestmegnis vegna skorts á þekkingu.
Í innhringitíma á Bylgjunni í fyrri viku, hringdi kona frá Þingeyri sem presenteraði sjálfa sig sem gamla kerlingu, komna af vinnumarkaðnum.
Hún sagði:
Okkur væri nær að þakka þeim Vísismönnum fyrir að halda hér uppi atvinnunni í öll þessi ár, eftir að heimamenn höfðu spilað rassinn úr buxunum, selt sig út úr greininni, farið og skilið eftir sig sviðna jörð.
Ætli það sama eigi ekki við á Húsavík og á Djúpavogi?
Atvinnurekstur er engin félagsmálaþjónusta.
Hún er rekin á vegum sveitarfélaganna og ríkisins.

Hægrið er að klofna

Ja hérna.
Það liggja mikil tíðindi í loftinu.
Bullandi óánægðir Sjálfstæðismenn eru komnir langt með að stofna nýjan og hófsamari hægri flokk.
Fjármögnum hans verður ekkert vandamál.
Fjölmargir sterkir aðilar í atvinnulífinu eru hreinlega gapandi hissa á einangrunarhyggju Sjálfstæðisflokksins (taglhnýtings Framsóknar) og vilja opna alla glugga til Evrópu.
Glugga sem í eru yfir 500 milljónir manna.
Glugga sem felur í sér meiri og stærri tækifæri til frjálsra viðskipta en áður hafa sést hér á landi.
Ég bíð bara spenntur eftir þessum nýja flokki.
Gæti allt eins hugsað mér að styðja hann með mínu atkvæði.
Hann er algjörlega bráðnauðsynlegt mótvægi við öfgar tepokanna sem nú tröllríða öllum röftum Valhallar.
Sjáum við XD flokkinn kannski í 15% mörkum Framsóknar í næstu kosningum?
Mikið er það nú notaleg tilhugsun!

Hvers konar stjórnsýsla er þetta eiginlega?

Hvað er eiginlega í gangi?
Hægri höndin setur heimsmet fyrir hönd skuldsettra heimila í landinu, það er að segja - fyrir hönd unga fólksins sem skuldar mest.
Eða segist hafa gert það.
Sama hægri höndin löðrungar svo þetta sama fólk með því að skerða barnabætur og vaxtabætur um 600 milljónir á næsta ári - þvert ofan í það sem áður var sagt.
En sniðugt!
Eða er það ekki?
Ætli unga fólkið hafi ekki örugglega húmor fyrir svona stjórnsýslu?
Hvers vegna í ósköpunum beitir ekki stjórnin ljánum þar sem grasið (fjármagnið) er þéttast?
Hvers vegna fellur hún ekki frá 0,8% sýndarlækkuninni í milliskattþrepinu?
Þar er um að ræða heila 5 milljarða.
Fimm þúsund milljónir - samt aðeins nokkra þúsundkalla á hvern greiðanda!
Gæti ekki heilbrigðiskerfið notað þá fjármuni til að efla sig?
Þetta er eiginlega hætt að vera fyndið.

15 ára klikkun!

http://eyjan.pressan.is/frettir/2011/10/31/hef-hvergi-sed-vidlika-mugheimsku-i-throudum-londum-og-rikti-i-15-ar-fyrir-hrun-a-islandi/#.UoTiGtAcYcQ.facebook 

Þetta er þokkaleg falleinkunn og það sem verra er - maðurinn hefur líklega 100% rétt fyrir sér! Hann nefnir 15 ára tímabil, 1993 til 2008. Skoðum hverjir voru við stjórnvölinn á þeim tíma:

Fyrsta ráðuneyti Davíðs Oddssonar 30. apríl 1991 til 23. apríl 1995. (Sjálfstæðisflokkur og Alþýðuflokkur).
Annað ráðuneyti Davíðs Oddssonar 23. apríl 1995 til 28. maí 1999.
(Sjálfstæðisflokkur og Framsóknarflokkur).
Þriðja ráðuneyti Davíðs Oddssonar 28. maí 1999 til 23. maí 2003. (Sjálfstæðisflokkur og Framsóknarflokkur). 
Fjórða ráðuneyti Davíðs Oddssonar 23. maí 2003 til 15. september 2004. (Sjálfstæðisflokkur og Framsóknarflokkur).
Ráðuneyti Halldórs Ásgrímssonar 15. september 2004 til 15. júní 2006.
(Framsóknarflokkur og Sjálfstæðisflokkur).
Fyrra ráðuneyti Geirs H. Haarde 15. júní 2006 til 24. maí 2007.(Sjálfstæðisflokkur og Framsóknarflokkur.)
Síðara ráðuneyti Geirs H. Haarde 24. maí 2007 til 1. febrúar 2009.
(Sjálfstæðisflokkur og Samfylkingin).