Verða örlög Íslendinga þau sömu og Rómverja hinna fornu?

Löngum hefur verið sagt að heimsveldi Rómverja hinna fornu hafi hrunið vegna spillingar. Ekki hvað síst siðspillingar ráðandi aðila, sem smitaði sér til þegnanna, með þeim afleiðingum að gott og göfugt siðferði var aflagt og siðferði spilltra fýsna og spillingar náði yfirhöndinni og þar með var leiðin til glötunar vörðuð svo vandlega að aðrar leiðir voru ekki færar.

Rómverjar? Ekki áttu þeir Völu Grand! Ekki áttu þeir frjálslegustu löggjöf í heimi um samkynhneigða, transfólk og annað fólk sem ekki samsamar sig náttúrunni, eins og flestum þykir eðlilegast.

Nei, en þeir áttu kellingar, kalla, börn og dýr og endalausar fýsnir til alls þessa.

Spilling leiðir alltaf til hruns og rotinna hugsana sem hægt og bítandi innsigla hrunið.

Ísland, land elds og ísa. Fallega náttúruperlan í Norður Atlantshafinu. Landið okkar.

Er Ísland spillt land?

Alveg örugglega, ekki þó eins spillt og ríki Rómverja forðum, en saman dregur í samanburðinum.

Lítum á það.

Í aldanna rás hafa Íslendingar verið duglegir og vinnufúsir, tekið öllum boðum um vinnu sem bauðst. Til að framfleyta sér og sínum. Til að vinna fyrir salti í grautinn.

Það er breytt.

Þúsundum saman flykkjast nú Íslendingar á bætur. Örorkubætur og atvinnuleysisbætur. Þótt heilsan sé þokkaleg og vinnufærni óumdeilanleg, ef til vill eitthvað skert. Þótt atvinna sé í boði.

Nei, nú skulu aðrir borga.

Af því að ég á rétt á bótum!

Hvaðan kemur sá réttur? Hvaðan kemur rétturinn til að seilast í pyngju annarra?

*********************

Nú er verið að reyna að semja um kaup og kjör alþýðu þessa lands. Ríkisstjórnin lofar fleiri störfum.

Fyrir hverja?

Íslendinga sem nenna ekki eða vilja ekki vinna?

Nei, það er ljóst að með hverju starfi sem hér bætist við, fjölgar um einn Íslending á bótum og jafnframt fjölgar þá um einn Pólverja í starfi hérlendis.

Ýkt mynd vissulega, ég viðurkenni það fúslega, en hvert erum við að stefna?

Veldi Rómverja féll vissulega, en eg spyr:

Á hvaða leið eru Íslendingar?

 

 

Gaman hjá honum bráðungum manninum að fá níræða kerlingu í framhaldslífinu!

Trúmál yfirleitt eru mér framandi heimur og oft og tíðum heimur sem veldur mér hneykslan. Ég get til dæmis nákvæmlega ekkert jákvætt séð við Islam, trúarbrögð muslima. Hreint ekki nokkurn skapaðan hlut. Finnst reyndar sem óþverri og mannvonska hafi þar alla yfirhönd.

Ætli fræðimönnum á sviði trúmála og stjórnmála muni ekki reynast það létt verk að tengja saman Islam og þá ógnaröld sem nú ríkir í norðanverðri Afríku? Muslimar þekkja ekki lýðræði og jafnrétti kynjanna. Islam gerir ekkert í að hjálpa þeim í þeim efnum. Hreint ekki. En skítt með það í bili.

Fjölmargir kristnir trúa á framhaldslíf.

Allir vita að meðalmannsævin er 70 til 80 ár. Svo deyr fólkið drottni sínum, útfararstjórum, klerkum og kórum til tekna, en aðstandendum til tára, söknuðar og útgjalda. Svo læknar tíminn flest sár.

Það kostar víst um eina milljón að deyja almennilega á Íslandi í dag.

Þegar maki er löngu farinn og eftirlifandi andast er oft sagt:

Nú hittast þau loksins!

Skoðum það aðeins.

Flugmaður ferst 35 ára við störf sín. Tekur sitt síðasta flug til himna með fullum réttindum. Ekkjan deyr í hárri elli, níræð.

Svo hittast þau.

Gaman hjá honum bráðungum manninum að fá níræða kerlingu í framhaldslífinu!

Þetta gengur engan veginn upp.

Sá ungi hlýtur að vera kominn með nýja dömu og sú gamla hlýtur að fara lóðbeint á elliheimili himnanna. Ef ekki, gengur framhaldslífið alls ekki upp!

Annað.

Ef fólk lifir hér á jörð í 70-80 ár, hvað lifir það lengi í framhaldslífinu?

Til eilífðar?

Af hverju má ekki dauðinn vera bara dauði?

Endapunktur lífsins, sem hann auðvitað er.

 

Ætli megi ekki líkja þessu við einhvers konar afhommunar áráttu?

"Samstaða þjóðar gegn Icesave, sem eru samtök einstaklinga sem eru andvígir Icesave-kröfum Breta og Hollendinga, gerir athugasemdir við málflutning forystu ASÍ í Icesave-málinu."

Það er aldeilis hvað þessi fámennu samtök eru farin að gera sig breið og ekki stendur á Morgunblaðinu að hampa skoðunum þessara einstaklinga, sem telja sig þurfa að leiðrétta allt það fólk og samtök sem ekki fylgja þeirra línu. Nú er það ASÍ. Hvað svo á morgun?

Ætli megi ekki líkja þessu við einhvers konar afhommunar áráttu?

Það er augljóst að þessi tilkynning samtakanna er skrifuð af Lofti Altice Þorsteinssyni.

Skrifi hann sem mest um málið.

Gerir athugasemdir við málflutning ASÍ

Framsóknarpóker

"Framsóknarmenn telja mögulegt að mótframboð komi fram á flokksþingi Framsóknar eftir viku, gegn Birki Jóni Jónssyni, varaformanni flokksins. Helst er rætt um Vigdísi Hauksdóttur í þeim efnum."

Vigdísi Hauksdóttur? Er ekkert skárra í boði?

Ef Birkir Jón hefur á annað borð áhuga á að leggja sjálfan sig undir í slíkum pókerslag, mun hann væntanlega sigra auðveldlega.

Framsóknarmenn fara aldrei að gera sjálfum sér það að gera Vigdísi Hauksdóttur að varaformanni flokksins.

Til hvers ættu þeir að gera það?

Mótframboð gegn Birki Jóni rætt

Sjávarútvegurinn og rassinn á Völu Grand

Af og til birtast hér á Moggabloggi lærðar greinar um sjávarútvegsmál. Vísir menn eru að fjalla um flotann, stjórnun veiðanna, vinnsluna, kvótamálin, sölumálin, gjaldeyrisskilin og yfirleitt allt sem snertir þennan undirstöðuatvinnuveg okkar.

Einu tel ég mig hafa tekið eftir í því sambandi.

Þau skrif vekja enga eða litla athygli. Fáir virðast nenna að lesa og enn færri skilja eftir athugasemdir.

Ég held að þjóðin skilji ekkert í þessum málum og viti nánast ekkert um þau. Flestir hrópa bara á torgum og í fermingaveislum, sem og í öðrum gleðskap:

Burt með kvótann! Burt með kvótagreifana! Auðlindina til fólksins!

Ég held líka að inni á Alþingi séu fjölmargir sem vita ekkert um þennan undirstöðuatvinnuveg okkar þjóðar og það skipulag sem honum er búið. Margir þeirra hika þó ekki við að tjá sig og opinbera þá vanþekkingu sína í hvert sinn sem þeir opna munninn.

Til dæmis mun enginn koma með athugasemd við þessa færslu, en ef ég hefði skrifað um rassgatið á Völu Grand væri hér biðröð við innganginn!

Skýringin?

Íslendingar eru hættir að vinna í fiski, fjölmargir landar eru frekar á bótum en að vinna í fiski og stór hluti þjóðarinnar hugsar bara með afturendanum og notar höfuðið aðeins til að hengja á það nýtísku húfur og hatta!

 

Barátta NEI-liða að verða vonlítil

Barátta NEI-liða er að verða vonlaus í Icesave málinu. Mikill meirihluti þjóðarinnar virðist ætla að segja JÁ. Aðeins hefur þó dregið saman með fylkingunum. Sáralítið þó.

"Samkvæmt könnuninni segjast 55,3% líklegast munu svara játandi en 44,7% að  þau muni greiða atkvæði gegn lögunum." segir mbl.is

Óákveðnum hefur fækkað og það styrkir stöðu JÁ-liðanna.

Það sem ég hef mestar áhyggjur af er hvernig NEI-liðar muni taka ósigrinum. Mér finnst mjög líklegt að þeir muni nota hvert tækifæri sem gefst til að eitra andrúmsloft þjóðlífsins.

Í þeim hópi eru margir sem hata og fyrirlíta ríkisstjórnina og því spurning hvernig það hatur mun brjótast út verði ósigurinn þeirra, sem allt bendir til.

Vitringarnir þrír frá Austurvelli, Steingrímur, Jóhanna og Bjarni, leggja allt sitt undir í þessu máli, en uppskera bull, ergelsi og firru hjá 45% þjóðarinnar.

Icesave málinu lýkur alls ekki þann 9. apríl, hvernig sem fer.

Meirihluti ætlar að segja já

Það er aldrei of mikið af skemmtiefni á netinu

"Sigurður segir að svo kunni að vera að Össur Skarphéðinsson, utanríkisráðherra, telji ríkisstjórnina aðeins hafa styrkst í sessi en við öðrum blasi að það ríki „algjört stjórnleysi í landinu."

Sigurður Kári Kristjánsson varaþingmaður. Hann náði víst ekki kjöri, en reyndi mikið!

Hann mætti gjarnan tjá sig oftar opinberlega, því það sem frá honum kemur er oft stórfróðlegt og ekki spillir fyrir að mjög oft er það bráðfyndið líka!

Nú vita allir að það ríkir stjórnleysi í landinu af því að Lilja Mósesdóttir og Atli Gíslason sögðu sig úr þingflokki VG og svo eru afskipti Íslendinga af helvítinu honum Gaddafi endanlega búin að rústa getu ríkisstjórnarinnar til að stjórna landinu!

Þökk sé Sigurði Kára fyrir þessar upplýsingar.

Vonandi verður Sigurður Kári duglegur að skrifa meira í þessum dúr. Hann er ein allsherjar víðsýn mannvitsbrekka og á að leyfa þjóðinni að njóta visku sinnar í miklu ríkara mæli en hann gerir.

Svo er aldrei of mikið af skemmtiefni á netinu.

Segir Jóhönnu ekki starfi sínu vaxna

Fáeinar bjórauglýsingar skaða ekki nokkurn mann

"En í frumvarpinu sé lögð sérstök áhersla á að koma í veg fyrir að farið sé í kringum bannið með því að auglýsa óáfenga vöru með ríkri tilvísun til hinnar áfengu vöru."

Já, já, vissulega er bannað að auglýsa áfengi hérlendis, en þetta er bara vonlaus barátta. Rétt eins og baráttan við dópið og kannabisræktunina.

Eltingaleikurinn endalausi.

Áfengisauglýsingar flæða yfir landið. Í erlendum tímaritum, á Internetinu, á erlendum sjónvarpsstöðvum.

Hér hafa menn verið að auglýsa bjór og notað til þess orðið léttöl. Mér finnst í raun ekkert að því, en vissulega þarf að breyta lögunum.

Ekki eins og nú stendur til að gera.

Heldur heimila auglýsingar á hefðbundnum bjór. Þá er íslenskum framleiðendum ekki mismunað.

Það má auglýsa bráðóholla gosdrykki hvar sem er og hvenær sem er.

Ég sé ekki að fáeinar bjórauglýsingar skaði nokkurn. Þær hafa kannski áhrif á hvaða tegund þú velur þér, en engin áhrif á hvort þú ferð í ríkið eða ekki.

Bannað að auglýsa léttbjór

Ég er líklega mesti asni norðan Suðurpólsins!

Miðað við smæð markaðarins má segja að fjölmiðlaflóran hér sé ótrúlega fjölbreytt. Hún er svo fjölbreytt að nánast hver miðill hennar er á húrrandi hausnum vegna hörkunnar í samkeppninni og samdráttar á auglýsingamarkaði. Samt lullar þetta ótrúlega áfram ár eftir ár.

Eru fjölmiðlar Íslands ekkert annað en arfi í þjóðarsálinni? Hvað styður Mogginn marga og hve margir kaupa Moggann?

Já, fjölbreytt er fjölmiðlaflóran, en gæðin eru æði misjöfn, margt er þó ágætlega gert og það ber að virða. Að mestu er þó fjölmiðlun í landinu ekkert annað en ruslpóstur til þessarar "virðulegu" þjóðar.

Notkun fólks á fjölmiðlum er æði misjöfn. Sumir lesa öll blöð sem berast, hlusta á útvarp allan liðlangan daginn og eyða svo kvöldunum yfir sjónvarpinu.

Hjá mér er þetta svona.

Les Moggann með morgunkaffinu.

Hlusta á Bylgjufréttir klukkan 12.00 og fréttir RÚV klukkan 12.20.

Hlusta stundum á Reykjavík síðdegis á Bylgjunni eftir vinnu.

Horfi, eða hlusta á fréttir Stöðvar 2 klukkan 18.30 og síðan fréttapakka RÚV klukkan 19.00.

Horfi mjög lítið á sjónvarp eftir fréttir, en reyni að missa ekki af Tíu fréttum á RÚV.

Horfi á einstaka kappleik á Stöð 2 Sport.

Þetta er nú allur fjölmiðlapakkinn minn!

Mikið hlýt ég að missa af mörgu stórmerkilegu!

Eða hvað?

Ég er ekki að nýta það sem ég borga fyrir nema að mjög litlu leyti! Vitlaus er maður óneitanlega!

Ég borga tæplega 214 þúsund krónur á ári fyrir áskriftir að fjölmiðlum, eða sem svarar tæpum 18 þúsund krónum í mánuði hverjum! Fyrir hvað? Ég er líklega mesti asni norðan Suðurpólsins!

Góð fjárfesting? Tæplega. Örugglega ekki!

Tugir milljarða frá ríkissjóði? Veit AGS af þessu?

Nú er lokið fundi, þar sem fjallað var um aðgerðir ríkisstjórnarinnar til að greiða fyrir kjarasamningum. Þær munu hafa í för með sér tugmilljarða kostnað fyrir ríkissjóð.

Tugi milljarða? Veit AGS af þessu?

Þá þarf að finna nýjar matarholur fyrir ríkissjóð. Vaskurinn á matvælum verður kannski hækkaður og gleypir fyrstu launahækkunina! Svo er bensínið smánarlega ódýrt! Aldraðir margir hverjir í lúxus! Af nógu er að taka. 

Ríkisstjórnin virðist vera að standa sig vel í að liðka fyrir "skynsamlegum kjarasamningum" Það er að segja vel í hefðbundnu hlutverki ríkisstjórna í þessum blekkingaleik ASÍ og atvinnulífsins og ríkisins.

Það er ekkert um að semja, en samt er samið! Það fjarar hratt undan flestu öðru en sjávarútvegsfyrirtækjunun. Þau eru reyndar skuldsett lóðbeint til helvítis, en afskriftaguðinn er bænum þeirra hliðhollur, en hann hlustar lítt á bænir venjulegs fólks, enda er það yfirleitt bara leiðinlegt pakk!

Skynsamlegum kjarasamningum?

Ef þeir eru þá til þegar nánast er ekkert um að semja! Atvinnuleysi og önnur óáran í aðalhlutverkum. Ekkert annað en brekkan og foraðið framundan.

Ef launþegar fá 15 þúsund kall aukalega í budduna, mega þeir vera vissir um að innan þriggja mánaða verður allt orðið 20 þúsund kalli dýrara.

Það köllum við verðbólgu.

Þá er betur heima setið.

Þetta leikrit getur ekki annað en floppað.

„Verðum að veðja á framtíðina“