Hvers vegna breytast að því er virðist heiðvirðir borgarar í villidýr fyrir kosningar?

Virkilega sérkennileg upplifun.

Að sjá hvernig dagfarsprúðir menn breytast í hálfgerð villidýr þegar líður að kosningum.

Hika ekki við að ljúga upp sökum á fólk og afneita algjörlega því að þeirra fólk hafi nokkru sinni gert neitt misjafnt.

Gott dæmi um það upplifði ég í gær.

Leyfði mér að nefna það að Bjarni Benediktsson væri tengdur slóð gjaldþrota og Eyþór Arnalds ætti skrautlega fjármálaslóð.

Var einfaldlega sagður ljúga því - þeir væru á engan hátt tengdir neinum gjaldþrotum og ferill þeirra í heimi fjármálanna væri algjörlega flekklaus!

Allt tal um annað væri bara rógur - og ég því sæmdur heitinu rógberi!

Varð vitaskuld nokkuð mikið hissa, því ég var aðeins að segja eitthvað sem alþjóð veit og hefur margsinnis verið rakið í fjölmiðlum!

Á sama tíma og þessir hamskiptingar lofa og prísa andlega leiðtoga lífs þeirra fyrir hreinleika og heiðarleika - þá ausa þeir þvílíkri drullu yfir meirihlutann í borginni að annað eins hefur ekki sést hér á landi áður!

Hef satt að segja ekki hugmyndaflug til að nefna eitthvað illt sem Dagur borgarstjóri á EKKI að hafa gert samkvæmt viðbjóðnum sem af þessum mönnum lekur.

Villimennskan og hatrið minnir einna helst á hatrið sem gjarnan er fylgifiskur hatramra trúarbragðadeilna.

Líklega má þakka fyrir að þessi nýja tegund villidýra hefur enn ekki gripið til vopna til að salla niður alla þá sem ekki deila með þeim trúarbrögðum.

Líkt og múslimar gera.

Fyrir þeim er mannslíf utan eigin trúarbragða ekki meira virði en líf engisprettu.

Taldi mig kannast við suma þessara manna og hafa kynnst þeim lítillega á góðum nótum.

En þegar þessi ofsi villidýrsins brýst fram í annars ágætu fólki verður maður áhyggjufullur.

Áhyggjufullur vegna þess að líklega er engin lækning til við þessum andskota.

Hef alltaf litið á stjórnmál sem leik þar sem heiðarleikinn skipti mestu máli, en undirróðurs og ofstopamenn hljóti að vera settir til hliðar þegar upp kemst um lundernið.

Kannski verður sú niðurstaða kosninganna í Reykjavík í vor.

Vonandi.

Valið virðist standa á milli hófsemi jafnaðarmennskunnar og þess haturs sem nærir siðlitla ofstopamenn í pólitíkinni.

Aumt er þetta! Líklega verða Sjallar í borginni nær 20% í fylgi en 30%!

Eyþór Arnalds, borgarstjóraefni Sjálfstæðisflokksins, kynnti nýlega kosningaloforð Sjálfstæðisflokksins fyrir komandi borgarstjórnarkosningar við lófaklapp á fjölmennum fundi í Iðnó. Fundargestir voru á fjórða hundrað talsins.

Um er að ræða sjö kosningaloforð sem boða grundvallarbreytingar í málaflokkum er snerta alla borgarbúa, eða svo segja Sjallar!

************

Kosningaloforð XD flokksins í Reykjavík:

• 2.000 íbúðir verði byggðar að jafnaði á ári á kjörtímabilinu.
• Óþarfi að lofa því, þetta er í gangi nú þegar!

***

• Ferðatími til og frá vinnu styttist um 20%.
• Skrítið loforð að færa umferðarhnútana til með fikti í umferðarljósunum!

***

• Fella niður fasteignaskatt á 70 ára og eldri.
• Ekki heimilt samkvæmt landslögum og miklir afslættir í gangi nú.

***

• Öll börn fái leikskólapláss við 18 mánaða aldur.
• Gott mál, meirihluti Dags hefur undirbúið þetta ágætlega!

***

• Svifryksmengun fari ekki yfir heilsuverndarmörk.
• Loforð sem ekki er hægt að standa við nema með samningi við veðurguðina!

***

• Reykjavík verði grænasta borg í Evrópu.
• Algjörlega útilokað að standa við þetta loforð, það sér hver maður!

***

• Styttum afgreiðslutíma í kerfinu um helming.
• Einmitt, Sjallar fá skjót svör, hinir bíða - það er fjórðungs stytting!

************

Metnaðurinn í þessum loforðum er nákvæmlega engin viðbót við það sem nú er í undirbúningi eða hreinlega í gangi!

Hvellsprungið kerfi lítils þjóðríkis

Gjörsamlega sprungið kerfi.

Allt hið fjárhagslega kerfi okkar sem þjóðríkis er sprungið.

Ástæður þess?

Óstjórn og eftirlátssemi.

Skoðum þetta aðeins út frá tekjum ríkissjóðs.

36,94% útsvars- tekjuskatturinn.

* Hér eru börn skattlögð (6%), einnig fólk sem alls ekki nær opinberum framfærsluviðmiðum. Slík skattlagning er ekkert annað en fáheyrð heimska - ef ekki glæpur gagnvart þessu fólki og Stjórnarskrárbrot. Lengra verður ekki gengið í þeirri svívirðilegu skattlagningu.

Millitekjufólkið, að 893,713 krónum á mánuði, borgar þennan skatt og vandséð er að hægt sé að leggja meira á þann hópinn, hópinn sem að mestu heldur þjóðfélaginu gangandi.

46,24% útsvars- og tekjuskatturinn.

* Hann er lagður á tekjur sem eru frá 893,713 krónum á mánuði og upp allan skalann.

Í þessum skattflokki er ofurlaunaliðið og mörgum finnst eðlilegt að leggja sérstakan hátekjuskatt á það.

Þar eru peningar sem hægt er að ná í til að efla samneysluna, en um slíkan skatt mun aldrei nást pólitísk samstaða. Hægri menn vilja ekki sjá slíkan aukaskatt lagðan á hina ríku.

Ríkið innheimtir einnig 20% tekjuskatt af fyrirtækjum, 22% skatt af fjármagnstekjum, auðlindagjald af útgerðinni, 11% og 24% virðisaukaskatt, bankaskatta, eldsneytisskatta, erfðafjárskatt, flugvallagjöld, tóbaks- og áfengisgjöld og fleira mætti tína til.

Hvernig getur hið opinbera fjármálakerfi sprungið með alla þessa skattheimtu?

Einfaldlega vegna þess að innkoman dugar ekki fyrir þeim útgjaldakröfum sem gerðar eru!

Allt það sem ríkið rekur er hreinlega í fjársvelti.

Lögreglan, heilbrigðiskerfið, landhelgisgæslan, skólakerfið, vegakerfið og öll hin kerfin.

Hvers vegna eru þá skattar ekki hækkaðir duglega?

Til þess eru ekki margar leiðir vel færar.

Hátekjuskattur?
Hækkað auðlindagjald?

Margir sjá möguleika í því - en Sjálfstæðisflokkurinn ekki og þar við situr.

Stjórnmálamenn halda uppi heimskulegu rifrildi um vegagjöld - jafn sjálfsögð og þau eru. Þar eru Hvalfjarðargöngin besti vitnisburðurinn um hve sjálfsögð slík gjöld eru.

Hvers vegna er þessi staða uppi?

Einfaldlega vegna þess að hér hefur ríkt óstjórn um langan tíma.

Stjórnmálamenn þora aldrei að segja nei - hingað og ekki lengra!

Þeir skilja ekki að þeirra hlutverk er líka að segja nei - með það fyrir augum að ríkið hafi efni á að reka það sem því ber með sóma.

Allt er látið eftir öllum!

Til dæmis borað í gegnum misfellur í landslaginu - ef einhver óskar eftir því!

Framansagt leiðir aðeins til einnar lokaályktunar.

Kerfið okkar er hvellsprungið!

Og lausnin er?

Þjóðnýting í stórum stíl - það er óþolandi að auðlindir landsins skapi aðeins fáeinum auð - en öðrum brauðmylsnu.

Auk þess legg ég til að frjálshyggjan verði lögð í rúst.

Blessuð séu gjaldþrot þessara manna og afleiddar raunir trúgjarnra

Blessunin að ofan.

Samkvæmt sjónvarpsstöðinni Omega var Eyþór Arnalds tilnefndur af almættinu og sendur í það verk að taka ærlega til hendinni í Reykjavík.

Eyþór hlustaði auðmjúkur á þá skýringu í sjónvarpsviðtali, brosti blíðlega í kampinn og kinkaði kolli.

Eyþór er ekkert óvanur því að taka til hendinni og hefur víða lagt hönd á plóg.

En því miður hefur það verið svo að einhvern veginn hafa verkin verið þeirrar leiðinda náttúru að steypast í gjaldþrot eitt af öðru.

Hér áður fyrr lagði frelsarinn mikli hendur yfir lamað fólk - sem tók alsælt á rás.

Einnig fengu blindir sýn - eða Sýn eins og Spaugstofan sagði forðum!

Eitthvað ólíkt eru þeir frelsararnir að hafast að.

Máttur annars læknar, eykur lífsgæðin - en máttur hins leiðir endurtekið til gjaldþrota og taps óskyldra aðila.

Skýringin á þessu er vandfundin og hennar líklega helst að leita með því að hafa sérstakan fyrirspurnatíma í kvöldbænunum.

**********

Ekki rekur mig minni til þess að Bjarni Benediktsson hafi nokkru sinni fengið blessun að ofan í gegn um sjálfskipaða ófleyga umboðsmenn almættisins á jörðu niðri.

En víst er að hann hefur komið í heiminn að nokkru leyti ekki ólíkt útbúinn og Eyþór.

Það liggur eitthvað sameiginlegt í genum beggja þessara forustumanna.

Hef lúmskan grun um hvað það er.

Gjaldþrotagenið.

**********

Báðir eru tiltölulega ungir að árum.

Fróðlegt væri að sjá hvor þeirra skilur eftir sig skrautlegri gjaldþrotaskrá þegar báðir hafa safnast til skapara síns og hið guðlega bókhald verið stemmt af.

Næ því miður ekki að lifa þá stund.

Fæ bara niðurstöðuna senda í tölvupósti í hlýjuna neðra.

Sjallar eru nú með 45,5% kjörinna fulltrúa á Stórhöfuðborgarsvæðinu

Stórhöfuðborgarsvæðið - kosningarnar 2014.

Á meðfylgjandi töflu má sjá hvernig kjörnir fulltrúar á því svæði skiptust á milli flokkanna í sveitarstjórnarkosningunum 2014.

Um er að ræða 55 kjörna fulltrúa.

Sérstaka athygli vekur hve Sjálfstæðisflokkurinn hafði mikla yfirburði á þessu mesta þéttbýlissvæði landsins.

Af þeim sætum sem kosið var um var uppskera flokkanna svona:

**********

45,5% - Sjálfstæðisflokkur
23,7% - Samfylkingin
14,6% - Björt framtíð
16,2% - Öll önnur framboð samtals

**********

Búast má við all miklum breytingum þann 26. maí, til dæmis er Björt framtíð að hverfa inn í fortíð sína.

Ætlar þú að kjósa það sama í vor og þú kaust síðast?

Smelltu á töfluna til að stækka hana.

Mjög gott dæmi um "heilbrigðið" í stjórnmálunum

Guðni Ágústsson ritar grein í Mogga dagsins undir yfirskriftinni "Hvert stefna Íslendingar í utanríkismálum?" og sendir þar fyrrum flokksbróður sínum, Gunnari Braga Sveinssyni, aldeilis tóninn vegna viðskiptabannsins á Rússa og viðbrögð þeirra við því.

Minnist þess ekki að Guðni hafi gagnrýnt þetta á sínum tíma.

Þá kveðju átti Gunnar Bragi fyllilega skilið að fá, enda hefur framferði hans kostað íslenskan sjávarútveg og landbúnað gríðarlega fjármuni - algjörlega að óþörfu - vegna fylgisspektar við ESB og Bandaríkin.

Svo er það hin hliðin.

Hefði Guðni viðhaft þessi orð ef Gunnar Bragi væri enn í Framsóknarflokknum?

Pottþétt ekki.

Mjög gott dæmi um "heilbrigðið" í stjórnmálunum.

Smellið á myndina til að lesa "bræðrakveðjuna"!

Náttúruvalið í stjórnmálunum að sanna kenningar Darwins?

Trúarbrögð eru á undanhaldi í heiminum.

Nú er svo illa komið að einn helsti stuðningsmaður XD í Reykjavík hefur ekki trú á að flokkurinn fái ekki nema 8 borgarfulltrúa í kosningunum í vor!

Gangi það eftir, má flokkurinn vel við una, því það væru 34,7% borgarfulltrúanna - fengin með innan við þriðjungi atkvæða borgarbúa!

Trúin gekk út á að ná meirihluta - eins og í gamla daga!

Það verður augljóslega ekki.

Múslimar mega ekki ganga af trú sinni - þá er þeim refsað grimmilega.

Gamlir Sjallar ganga heldur ekki af trú sinni - fyrr en þeir ganga fyrir ætternisstapann!

Þau trúarbrögð eru ekkert á undanhaldi.

Nema af völdum náttúruvalsins sem  Gharles Darwin (1809-1882)  uppgötvaði forðum.

The Survival of the fittest!

Bara verst hvað margir Sjallar eru komnir úr barneign!

Síðasti Geirfuglinn hafði örugglega fulla trú á sjálfum sér og taldi lífið vera bjart framundan!

Reiknaði ekkert með drápseðli hinna vinstri sinnuðu veiðimanna í jöfnu lífsins!

Það gerði Darwin ekki heldur!

Má bjóða þér að bergja á eitruðum ógeðsdrykk?

 

Þetta verður fyndnara með hverri könnuninni sem fram kemur!

Það er alveg sama hvernig Sjallarnir djöflast í þessu, dreifa ógeðskokteilnum sínum sem mest þeir mega - það vill enginn súpa á - nema harðasta klíkan innan flokksins!

Ömurlegasta kosningabarátta allra tíma mun uppskera það sem hún verðskuldar.

Aðhlátur og fulltrúaskort.

Þeir munu fá 6-7 borgarfulltrúa og geta alveg hrokkið með andfælum upp frá draumum sínum um að komast í meirihluta.

Hvar ættu þeir svo sem að fá mannskap til þess?

Vonandi sóða þeir ekki mikið út með glötuðum kosningabæklingum - nóg er nú ruslið í borginni að þeirra sögn! 

Styrmir snýr margfrægri sundrungu á vinstri vængnum upp á Sjálfstæðisflokkinn!

Styrmir Gunnarsson er líklega sá skrifari af hægri vængnum sem á bestu pólitísku gleraugun. Hinir eru að mestu skrifblindir, lesblindir og siðblindir þegar kemur að gjörðum Sjálfstæðisflokksins, stefnu hans og markmiðum. Hér snýr Styrmir hinu endalausa hjali hægri manna um sundrungu á vinstri vængnum upp á Sjálfstæðisflokkinn! Hann er sá eini í flokknum sem hefur kjark og vit til þess. Always follow the Leader, sagði höfuðmaurinn forðum, en nú eru fótgönguliðarnir í maurahjörðinni eitthvað farnir að villast!

 

Sundrung á hægri vængnum

 

"Getur verið að eitt helzta vandamál Sjálfstæðisflokksins í sveitarstjórnarkosningunum í vor verði einfaldlega sundrung á hægri vængnum?

Viðreisn er auðvitað fyrst og fremst klofningsbrot úr Sjálfstæðisflokknum en athygli vekur að framboðslisti Flokks fólksins í borgarstjórnarkosningunum í Reykjavík byggir að einhverju leyti á fólki sem á sér sögu í starfi á vettvangi Sjálfstæðisflokksins. 

Þótt Miðflokkurinn sé fyrst og fremst klofningsbrot úr Framsóknarflokknum fer ekki á milli mála að hann er orðinn einn af keppinautum Sjálfstæðisflokksins um fylgi ákveðinna kjósendahópa.

Að auki er svo til kominn nýr listi, Höfuðborgarlistinn, sem líklegur er til að blanda sér í baráttuna um áþekka kjósendahópa.

Þarna eru fjórir flokkar og framboðslistar, sem sækja að einhverju leyti á sömu kjósendamið og Sjálfstæðisflokkurinn.

Þetta þýðir að til þess að ná verulegum árangri í borgarstjórnarkosningunum í Reykjavík þurfa frambjóðendur Sjálfstæðisflokksins að ná til þessara kjósenda.

Og um leið vaknar sú spurning hvers vegna einhver hluti þess fólks sem skipar þessa fjóra framboðslista í Reykjavík hefur yfirgefið Sjálfstæðisflokkinn.

Svipuð staða kann að vera fyrir hendi í sumum nágrannasveitarfélögum Reykjavíkur. Miðflokkurinn hefur kynnt til sögunnar sterkan frambjóðanda í Kópavogi. Einhverjir hópar úr Bjartri Framtíð hafa náð saman við Viðreisn í nágrannasveitarfélögunum.

Þetta er flóknari staða en oftast áður á hægri vængnum en augljóst að veruleg fylgisaukning Sjálfstæðisflokksins, eigi hún að verða að veruleika, hlýtur að þurfa að koma frá kjósendahópum, sem þeir flokkar og framboð, sem hér hefur verið vísað til munu sækja í."

 

Algjörlega hárrétt greining hjá Styrmi!

Engir fýlupúkar sjáanlegir í blíðunni í dag

Var í Reykjavík í dag.

Fallegt vorveður og gott að ganga úti í hreina loftinu.

Hreinlæti og umgengni á bílastæðum, götum og torgum til fyrirmyndar.

Mikil byggingaumsvif víða og ég gafst upp á að telja byggingakranana.

Góður gangur í svo mörgu.

Fýluna sem lekur af fáeinum í minnihlutahópnum - í netheimum og fjölmiðlum - var hvergi að finna eða sjá!

Augljóst að borgarbúar eru ágætlega sáttir við borgina sína!

Enda engin ástæða til annars!